Tetelonome 26:5 - Tosi Tapu

⁵ Ti e ke toe masau loa o fakasa i mua o le Eteleno, lou Atua : ko loku tamana ko se tagata Alame leia na taka fenua ; na ifo loa a ia ki Esipito mo se ga kakai toka teiki, o nofo i ai. Kae na liliu loa a ia i ai ko se puleaga lasi, mo makeke, mo api.

Tetelonome 26:5 Iomraidhean Croise

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 24:4

kae ke ke ano ki loku fenua, ki loku fale o filifili mei ai se avaga ki loku vosa ko Isaake.

Senesi 25:20

Na fakatupu loa e Apalaamo a Isaake. Na fetuu kau fa Isaake i le aso leia na avaga ai loa a ia mo Lepeka, taine o Petuele, ko le tagata Silia o Patane-Alame, ti ko le tuagaane o Lapane, ko le tagata Silia.

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 28:5

Ti na kakau loa e Isaake a Sakopo ke ano : Ti na ano loa a ia ki Patane-Alame, kia Lapane, ko le vosa o le tagata Asilia ko Petuele, ti ko le tuagaane o Lepeka, tinana o Sakopo mo Isaake.

Senesi 31:20

Na kakai loa e Sakopo a Lapane, le tagata Alami, talie na sola fakafufu a ia kae na leaise fakasa e ia kiate ia.

Senesi 31:24

Kae na sa loa le Atua i le pouli i se moe miti kia Lapane, le tagata Alame, o pati kiate ia : Aua na ke masau loa kia Sakopo i se nea malie pe ko se nea veli !

Senesi 31:40

Na kau tali le mamae o le vevela o le laa i le ao, mo le momoko i le pouli, ti na sola mamao le fia moe i oku mata.

Senesi 43:12

Kotou toe fakaliliu le paaga leia na kotou maua i akoutou taga, e lagi ko se faisala, ti kotou toe too fakalasi sakoutou paaga.

Senesi 45:11

I leinei, e kau fagai loa a koe, mo lou fale, ti mo au nea fuli, ke aua na puli loa se nea kia koutou, talie koi toe foki ni fetuu oge e lima.

Senesi 45:7

Na kakau mai au e le Atua ke kau muamua mai ia koutou ki le fenua leinei, o tupu ke mauli ai lokoutou sakoga i le fenua, ti ke kotou mauli foki o tio ki le alofa lasi o le Atua kia koutou o saofaki koutou.

Senesi 46:27

Na maua e Sosefo ni vosa e toka lua, ala na tupu kiate ia i Esipito. Ko le api katoa o le famili o Sakopo leia na nofo loa i Esipito ko le tino fitu.

Senesi 47:27

Na nofo loa Iselaele i Esipito, i le fenua ko Koseni. Na lotou maua loa i ai ni kele, ti na lotou maua loa ni fanau, ti na lotou liliu loa o lasi ai.

Senesi 47:4

Ti na lotou toe pati foki kia Falaone : Kua veli ai le oge i le fenua o Kanaane, ti e leaise koi maua se nea ke fagai ai a manu o au tagata fakasausau, koia kua motou au ai o nofo fakatemi i le fenua nei. Ke ke fakataga ki au tagata fakasausau ke lotou nonofo i le fenua o Koseni.

Ekesote 1:12

Kae na logo ai lolatou fakamamae, na toe asilisili ake lolatou api mo lolatou makeke ; ti na toe asilisili veli ake le vesia ki fanau a Iselaele.

Ekesote 1:5

Ko latou fuli ala na ifo meia Sakopo ko le tino fitu. Na nofo Sosefo i le temi lena i Esipito.

Ekesote 1:7

Na fanaunau loa fanau a Iselaele o lasi ai, ti na lotou liliu loa o makeke mo mauiga. Ti na apele loa le fenua ia latou.

Oseo 12:12

Ko le kakai o Kalaate ko se kakai kaia i le temi mua, kua lotou puli noa i le temi nei. Na lotou momoli ni pipi i Kilikale : Kae kua fai olatou aletale pe ni tuuga fatu I ganea popoko o faisaga.

Oseo 12:13

Na sola loa Sakopo ki le fenua o Alame, Na fakasausau loa Iselaele ke mau sona avaga, Ti na taupau loa e ia a kau manu ke maua sona avaga.

Gaoi 7:15

Ti na ifo loa Sakopo ki Esipito, ti na mate loa a ia i ai, o tatau mo otatou tamana.

Tetelonome 1:10

Kua fakaliuliuga koutou e le Eteleno, lokoutou Atua, ti kua kotou api i le aso nei o tatau mo fetuu o le lagi.

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.

Tetelonome 26:4

E too loa e le tagata faisakilifisio le kete mei ou lima, ti e tuku loa e ia a ia ki mua o le aletale o le Eteleno, lou Atua.

Tetelonome 7:7

Na leaise tuku e le Eteleno lona alofa mo lana filifili kia koutou, o tupu e kotou api ake i puleaga fuli ; talie koutou ikiiki oki i kakai fuli o le kele.