Tetelonome 26:3 - Tosi Tapu

³ E ke ano loa ki le tagata faisakilifisio leia e gaoi i aso ana, ti e ke pati loa kiate ia : E kau fakasa loa i le aso nei ki le Eteleno, lou Atua, kua kau ulu ki le fenua leia na fakapapau e le Eteleno ki otatou tamana ke soli kia tatou.

Tetelonome 26:3 Iomraidhean Croise

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 19:17

e ano loa a tagata ana e visi ki le Eteleno, i mua o tagata faisakilifisio mo tui fakamaau ala e gaoi i aso ana.

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.

Tetelonome 26:4

E too loa e le tagata faisakilifisio le kete mei ou lima, ti e tuku loa e ia a ia ki mua o le aletale o le Eteleno, lou Atua.

Epelo 10:21

ti kua tou maua se pule fai sakilifisio leia kua fakanofo i le fale o le Atua ;

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.