Tetelonome 26:14 - Tosi Tapu

¹⁴ Na leaise kau kai loa se potu o le vaega kau agafulu i le temi leia na kau nofo ai i le putu, na leaise kau too loa se nea i ai o fakaaoga ki se nea kelekele, ti na leaise kau soli loa i ai se nea o uiga mo se mate ; na kau fakalogo loa ki le leo o le Eteleno, loku Atua, ti na kau fai loa o mulimuli ki lao fuli ala na ke tuku mai kiate au.

Tetelonome 26:14 Iomraidhean Croise

Pesalemo 106:28

Na lotou pipiki loa kia Paale-Peoli, Ti na lotou kai loa ki ni vikitima na momoli ki le kau mate.

Pesalemo 18:22

Talie na kau tausi a ala o le Eteleno, Ti na leaise kau agasala ki loku Atua.

Selemia 16:7

E leaise tofi loa le pane i le putu, Ke fakapelepele ai se tasi o tupu ko se mate, Ti e leaise momoli loa le ipu o le fakapelepele Ki se tamana pe ki se tinana.

Esekiele 24:17

Mamae fakalologo, ti aua na fai se putu ; sai lou sulu ki lou ulu, ti tui ou taka ki ou vae ofaipe le masani ; aua na ke uufi lou kaukava, ti aua na ke kai le pane a ni iki.

Oseo 9:4

E leaise lotou fai loa ki le Eteleno ni lipasio vino : E leaise lotou malilie loa ki le Eteleno. E fai loa alatou sakilifisio kia latou pe se pane o le mamae : Ko latou fuli ala e kai loa ki ai e liliu loa o kelekele ; Talie e tuku loa lalatou pane kia latou tefua, Kae e leaise fakaulu loa a ia ki le fale o le Eteleno.

Levitiko 21:1

Na pati loa le Eteleno kia Moisese : masau ki le kau faisakilifisio, vosa o Alone, o pati kia latou : E leaise fakakelekele loa le tagata faisakilifisio i lona kakai o tupu ko se mate,

Levitiko 21:11

E leaise ano loa a ia ki se mate ; e leaise fakakelekele loa a ia o tupu ko lona tamana mo lona tinana.

Levitiko 7:20

Ti kapau e kai loa se tagata kelekele ki le sakilifisio komunio leia na momoli ki le Eteleno, e motusi loa le tagata lena mei lona kakai.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 15:5

koleia fua, ke ke fakalogo loa ki le leo o le Eteleno, lou Atua, o tausi ti mo fai ana folafola katoa ala e kau tuku kiate koe i le aso nei.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 26:13

E ke pati loa i mua o le Eteleno, lou Atua : Kua kau sau i oku fale le nea leia na fakatapui ki le Eteleno, ti kua kau soli a ia ki le Levi, mo le matapule, mo le fanau leia e sala tamana, mo le fafine leia e sala avaga, o mulimuli ki au fakatotonu fuli ala na ke tuku mai kiate au ; na leaise kau maumaui loa se lao fua e tasi o au lao, ti na leaise galo iate au se lao fua e tasi.

Tetelonome 26:15

Ke ke tio mei lou nofoaga maokioki, mei le atu lagi, ti ke ke tapuakii loa lou kakai ko Iselaele mo le kele leia na ke soli mai kia matou, o mulimuli ki lau fakapapau leia na ke fai ki omatou tamana, io, le fenua leia e sali ai le sua manu mo le meli.