Tetelonome 21:14 - Tosi Tapu

¹⁴ Kapau ki muli, e gato loa lona malie kiate koe, e ke tuku loa a ia ke ano ki le ganea leia e loto loa a ia ki ai, e leaise feala loa ke ke fakatau a ia ki se paaga, pe ke fai kiate ia ofaipe se fafine popula, talie kua ke fakamamae a ia.

Tetelonome 21:14 Iomraidhean Croise

Senesi 34:2

Ti na tio loa kiate ia Siseme, vosa o Amole, ko le sau o le fenua. Ti na too loa e ia le taine, o momoe mo ia, ti na fakamatagafua loa e ia a ia.

Tetelonome 21:15

Kapau e maua loa e se tagata ni avaga e lua, ti e alofa loa a ia ki se tasi fafine o lasi ake i leia ake fafine, ti kapau e maua loa e ia ni vosa, ti ko le uluaki ko le vosa a ia o le fafine leia e leaise alofa a ia ki ai,

Tetelonome 22:19

talie na tuku e ia se veli ki se taine o Iselaele, e lotou teki loa kiate ia se tua ko ni fa sikele paaga e kau lelau ke totogi ki le tamana o le fafine. Ti e nofo loa le fafine ko lona avaga, ti e leaise mafai loa ke kakau e ia le fafine ki lona kaiga, i le lolotoga o lona mauli katoa.

Tetelonome 22:24

ke kotou ave loa laua toka lua ki le matapa o le kolo, ti ke kotou tuki fatui loa laua. E la mamate loa, le taine o tupu na leaise kalaga a ia i le kolo, mo le tagata o tupu na fakamakeke e ia le feauaki o lona oloi. E ke sau loa i ai le veli i loto malie o Iselaele.

Tetelonome 22:29

e soli loa e le tagata leia na momoe mo le taine ki le tamana o le taine ni fa sikele paaga e kau lima ; talie na maumaui e ia le matagafua o le taine, e avaga loa a ia mo le taine, ti e leaise feala loa ke kakau e ia le fafine ki lona kaiga i lona mauli katoa.

Tuifakamaau 19:24

Kae ko leinei, e kau nofo mo loku taine koi taupoou, ti e nofo le tagata mo lona lua avaga ; e kau aumai loa laua ki fafo kia koutou, ti e kotou fai loa kia laua le nea leia e kotou loto ki ai, kae ke aua na kotou fai loa le nea fakalumaluma lena ki le tagata leinei.