Tetelonome 20:3 - Tosi Tapu

³ E pati loa a ia : Fakalogo mai, Iselaele ! I le aso nei e kotou ano loa o taui okoutou fili. Ke aua na kotou loto gaegae ; ke aua na kotou i, ke aua na kotou lulu, ke aua na kotou liliko i olatou mua.

Tetelonome 20:3 Iomraidhean Croise

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Sopo 23:16

Kua fatii e le Atua loku loto ; kua fakaapele e le Mafimafi loku loto ki nea fakaii.

Pesalemo 3:6

E kau moe, ti e kau moe mate ; E kau ala ake, talie ko le Eteleno ko loku tokoi.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Numelo 14:9

Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Mateo 10:31

Aua na kotou i fua : E mauiga lasi ake koutou i ni miti mauke ai.

Mateo 8:26

Na pati loa a ia kia latou : Kolea e kotou i ai, kakai tui gaegae ? Na tuu loa a ia ki aluga, o feau le matagi mo le tai, ti na tokamalie lasi loa.

Maleko 16:18

e lotou too loa ni gata ; ti kapau e lotou inu ni nea inu mateia, e leaise soko loa se veli kia latou ; e lotou teki loa olatou lima ki le kau masaki, ti e mauli loa le kau masaki.

Maleko 16:6

Kae na pati loa a ia kia latou : Aua na kotou i ; e kotou afa Sesu mei Nasaleti, leia na tutuki ki le koluse ; kua toe tuuake a ia, ti e leaise koi nofo a ia i leinei ; kotou tio ki le ganea leia na tuku ai a ia.

Gaoi 27:24

o pati mai kiate au : Paulo, aua na ke i, talie e tonu ke ke tuu i mua o Sesale, ti ko leinei, kua soli atu e le Atua kiate koe le mauli o latou fuli ala e folau mo koe.

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 20:2

I le ofi ki le tau, e au loa le tagata faisakilifisio ki mua o le kakai, o masau kiate ia.

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Uluaki tosi kia Timoteo 6:12

Tau le tau malie o le tui, too le mauli lee gato, leia kua kalagai a koe ki ai, ti kua ke fakasa le fakamaoki malie ki ai i mua o ni tagata fakamaoki toka api.

Epelo 13:6

Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?

Sosue 23:10

Na kapu e le fa toka tasi o koutou ni fili e tino afe, talie na tau loa le Eteleno, lokoutou Atua o tupu ko koutou, o fai ki lana folafola.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Uluaki tosi a Samuele 17:32

Na pati loa Tavite kia Saulo : Ke aua na loto gaegae se tasi, o tupu ko le Filisitini leinei ! E ano loa lau tagata fakasausau, o tau mo ia.