Tetelonome 20:19 - Tosi Tapu

¹⁹ Kapau e ke fai loa se tau ki se kolo o fualoa i mua o lau maua a ia, aua na ke maumaui loa a laakau kai ki le toki, e ke kai loa olatou fua, kae e leaise ke sele loa latou ki le kele ; talie e leaise ko se tagata le laakau o le faisaga ke ke taui a ia.

Tetelonome 20:19 Iomraidhean Croise

Mateo 3:10

Kua tuu foki le toki i le aka o laakau : ko laakau fuli e leaise fua ki ni fua malilie e tuuti loa o ti ki le afi.

Tetelonome 26:6

Na fakavelivelii loa matou e le kau Esipito, Na lotou tautea loa matou, ti na lotou teki loa kia matou se gaoi popula mamafa.

Mateo 21:19

Ti na tio loa a ia ki se fiki i le ala, ti na fakafeofi loa a ia ki ai ; kae na maua loa e ia ni lau ata, ti na pati loa a ia ki le fiki : Ke aua na toe tupu loa se fua iate koe ! Ti na malo loa le fiki i le temi fai lena.

Tetelonome 20:18

o tupu ke aua na lotou ako ia loa kia koutou ke fakatautau o nea fakalialia fuli ala e lotou fai ki olatou atua, ti ke aua na kotou agasala ai loa ki le Eteleno, lokotou Atua.

Tetelonome 20:20

Kae e feala loa ke ke maumaui mo ke sele a laakau fuli ala e ke iloa e leaise kai ia a fua, o ke fakaaoga loa latou ki le fau palepale ke taui ai le kolo, o kaku ki lona vilo.

Selemia 6:6

Talie e folafola le Eteleno o kau tau, o pati : Kotou sele ki lalo laakau, Kotou fau ni palepale tau ki Selusalemi ! Ko le kolo lena e tonu ke tautea ; Talie kua apele a ia i agaveli ata.

Lua tosi o Sau 3:19

e kotou maumaui loa a kolo tau fuli mo fulumalilie, e kotou tutuuti loa a laakau malilie fuli, e kotou tapotapono loa a matapuna vai fuli, ti e kotou tanu loa ki ni fatu a faisaga malilie fuli.

Lua tosi o Sau 3:25

Na lotou maumaui loa a kolo, na lotou laku loa ni fatu o tanumia ai a faisaga malilie fuli, na lotou tanu loa a matapuna vai fuli, ti na lotou sele loa a laakau malilie fuli ; ti na takatakai loa e le kau fai makamaka le kolo ko Kile-Aleseti, o taui, kae na lotou tuku loa ona fatu.