Tetelonome 20:16 - Tosi Tapu

¹⁶ Kae ki kolo o puleaga ala e soli atu loa kiate koe e le Eteleno, lokoutou Atua, ke ke maua tofiga lolatou fenua, ke aua na ke tuku loa le mauli ki se nea leia e tukumanava.

Tetelonome 20:16 Iomraidhean Croise

Numelo 21:35

Ti na lotou tamate loa a Oki, mo ona vosa, ti mo lona kakai katoa, o leaise sao se fa toka tasi, ti na lotou too loa lona fenua.

Numelo 31:17

I le temi nei, ke kotou tamate a toe tagata fuli i toe liliki, ti ke kotou tamate a fafine fuli ala kua momoe mo se tagata ;

Numelo 33:52

Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

Tetelonome 20:15

Ko lena le nea leia e ke fai loa ki kolo fuli ala e mamao meiate koe, ti e leaise kau ki kolo o puleaga anei.

Tetelonome 20:17

Talie e ke maumaui katoa loa a puleaga ana, le kau Iti, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, o mulimuli ki le fakatotonu leia na tuku kiate koe e le Eteleno, lou Atua,

Tetelonome 24:4

e leaise feala loa ke toe too e le tagata uluaki, leia na kakau ia le fafine i mua, le fafine ke toe avaga mo ia, talie kua kelekele le fafine lena kiate ia : E fakalialia le nea lena ki mata o le Eteleno, ti ke aua na ke fakakelekele ia loa ki se agasala le fenua leia e soli atu loa kiate koe e le Eteleno, lou Atua.

Tetelonome 31:5

E tuku loa latou e le Eteleno kiate koe, ti e kotou fai loa kia latou o mulimuli ki fakatotonu ala na kau tuku atu kia koutou.

Tetelonome 4:21

Ti na sausaua loa le Eteleno kiate au o tupu ko koutou, ti na fakapapau loa e ia e leaise kau fakalaka loa i le Solotane, ti e leaise kau ulu loa ki le fenua malie leia e soli kiate koe e le Eteleno, lou Atua, ko lou tofiga.

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.

Sosue 10:20

I le oki o le tuku e Sosue mo fanau a Iselaele se lava lasi kia latou, ti mo lalatou tamate latou o veli ai, ko latou ala na feala loa ke sao na sosola loa ki kolo tau,

Sosue 10:28

Na too loa e Sosue a Maketa i le aso lena, ti na tamate loa e ia ki le mata o le seleta le kakai o le kolo mo lona sau ; na maumaui loa e ia le kolo mo kakai fuli na nofo i ai. Na leaise toe sao loa se fa toka tasi, ti na fai loa e ia ki le sau o Maketa le nea leia na fai e ia ki le sau o Seliko.

Sosue 10:40

Na taai loa e Sosue ki le mata o le seleta a sau o le fenua katoa : le fenua o mauga, le fenua o le toafa, le fenua taulalo ti mo le fenua o mauga liliki. Na leaise toe fakamauli loa e ia se fa toka tasi, kae na tamate loa e ia a nea fuli na mauli, o mulimuli ki le fakatotonu a le Eteleno, Atua o Iselaele.

Sosue 11:14

Na too loa e fanau a Iselaele kia latou a koloa fuli ti mo manu ala na lotou maua i kolo ana, kae na lotou taai loa ki le mata o le seleta le kakai katoa, ti na leaise lotou tuku loa ke mauli se fa toka tasi.

Sosue 6:24

Na lotou tutu loa le kolo mo nea fuli na maua i ai, kae na lotou tuku loa le siliva, mo le aulo, ti mo nea fuli na fau ki le kapa mo le ukamea ki le koloa o le fale o le Eteleno.

Sosue 8:25

Na tamate loa i le aso lena le kakai katoa o Ai, ko le tino agafulu tupu lua afe, tagata mo fafine.

Sosue 8:8

Ka kotou too loa le kolo, ti ke kotou tutu loa a ia ki le afi o mulimuli ki le fakatotonu a le Eteleno. Ke kotou tokaga o mulimuli ki laku fakatotonu !

Sosue 9:24

Na tali loa le kau Kapaone kia Sosue, o pati : Kua logo au tagata fakasausau ki fakatotonu a le Eteleno, lou Atua, ki lana tagata fakasausau ko Moisese, ke soli kia koutou le fenua katoa leinei, ti ke tamate ona kakai fuli i mua o koutou, ti na motou i lasi loa kia koutou ti na matou loto gaegae loa o uiga mo omatou mauli : ko le tupuaga a ia o lamatou fai le puleaki lena.

Sosue 9:27

kae na tuku loa e Sosue kia latou, talu mei le aso lena, ke lotou tuuti ia le fafie mo asu ia le vai ki le fakatasiga mo le aletale o le Eteleno, i le ganea leia e filifili loa e le Eteleno. Na lotou fai loa le nea lena o kaku mai ki le aso nei.

Sosue 9:7

Kae na tali loa a tagata o Iselaele ki le kau Evi : E lagi kotou nonofo loa i loto malie o matou, ti e feaki loa ke motou fai se sai mo koutou ?

Uluaki tosi a Samuele 15:3

Ano i le temi nei, o taai Amaleke, ti ke kotou maumaui loa ana nea fuli ; ke aua na ke fakamauli loa a ia, ti ke ke tamate loa a tagata mo fafine, a fanau mo toe memea, a pipi mo ovi, a kamelo mo asino.