Tetelonome 20:11 - Tosi Tapu

¹¹ Ti kapau e tali atu a ia kiate koe ki le tokamalie ti e fakamavaa atu loa e ia ona matapa kiate koe, ko le kakai katoa leia e nofo loa i loto o le kolo e fakalogo loa kiate koe ti e fakasausau loa kiate koe.

Tetelonome 20:11 Iomraidhean Croise

Uluaki tosi o Sau 5:1

Na kakau loa e Ilame, sau o Tile, ana tagata fakasausau kia Salomone, talie na logo loa a ia kua fakanofo Salomone ko le sau o fetogi lona tamana, talie na alofa tuumau a ia kia Tavite.

Lua tosi o Sau 6:22

Na tali loa Eliseo : Aua na ke tamate latou ; pe ke tamate loa latou ala kua fakapilisoni e lau seleta mo lau gasau ? Soli kia latou se pane mo se vai ke lotou kai ti ke lotou inu ; ti ke lotou ano ki lolatou pule.

Pesalemo 120:7

E kau loto ki le tokamalie ; kae kapau e kau masau ki le tokamalie, E lotou loto ki le tau.

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Tetelonome 20:10

Ka ke fakafeofi loa ki se kolo ke taui a ia, e ke fakasa loa kiate ia le tokamalie.

Tetelonome 20:12

Kae kapau e leaise tali e ia le tokamalie mo koe, kae tau atu loa a ia kiate koe, ti e ke taui loa le kolo lena.

Sosue 16:10

Na leaise mafai loa e vosa o Efalaimi le kapu o le kau Kanaane leia na nofo i Kesele, ti na nofo loa le kau Kanaane i loto malie o Efalaimi o kaku mai ki le aso nei, kae na lotou fakasausau loa mo tukusau loa ki fanau a Efalaimi.

Sosue 9:27

kae na tuku loa e Sosue kia latou, talu mei le aso lena, ke lotou tuuti ia le fafie mo asu ia le vai ki le fakatasiga mo le aletale o le Eteleno, i le ganea leia e filifili loa e le Eteleno. Na lotou fai loa le nea lena o kaku mai ki le aso nei.

Sosue 9:8

Kae na lotou pati loa kia Sosue : Ko matou ko au tagata fakasausau. Ti na pati Sosue kia latou : Ko ai ma koutou ti e kotou au meifea ?

Sosue 9:9

Na lotou tali loa kiate ia : e au au tagata fakasausau mei se fenua mamao ai i le logo ki le logologona o le Eteleno lou Atua ; talie na motou logo masau kiate ia, ki nea fuli ala na fai e ia i Esipito,

Tuifakamaau 1:28

I temi leia na makeke ai loa Iselaele, na teki loa e ia ni gaoi ki le kau Kanaane, kae na leaise mafai ke kapu loa e ia latou.