Tetelonome 2:9 - Tosi Tapu

⁹ Na pati mai loa le Eteleno kiate au : Ke aua na ke fai ia loa se nea veli kia Moape, ti ke aua na ke taui loa a ia, talie e leaise kau soli loa kiate koe se nea fua e tasi i lona fenua. Talie, ko fanau o Lote ala kua kau soli ki ai le fenua o Ale.

Tetelonome 2:9 Iomraidhean Croise

Lua tosi o Koloniko 20:10

I le lakaga nei, ko leinei a vosa o Amone mo Moape, mo latou o le mauga o Seili, ala na leaise ke fakataga ia ke ulu ki ai Iselaele i le aso na au ai a ia mei Esipito, - talie na maliu kese a ia meia latou ti na leaise maumaui e ia latou, -

Pesalemo 83:8

Mo Kepale, mo Amone, mo Amaleke, Mo le kau Filisitini, mo le kakai o Tile ;

Esaia 15:1

Folafola ki Moape. I le po totonu leia na maumaui ai Moape, Na toe maumaui ai foki Ale-Moape ! I le po totonu leia na maumaui ai Moape, Na toe maumaui ai foki Kile-Moape !…

Numelo 21:15

ti mo magai liua makeke, ala e tafe ki le fetuu o Ali, o tau ki le koiga o Moape.

Numelo 21:28

Talie kua mafuta se afi mei Eseponi, Se ula mei le kolo o Sioni ; Kua maumaui e ia a Ale-Moape, Mo le kakai o mauga o le Alenone.

Numelo 22:4

Na pati loa Moape ki le kau matua o Matiane : Ko le kakai leinei e faipe se kau pipi leia e kai i se faisaga : E lotou kai a nea fuli ala e tuu i ai. Ko Palake, vosa o Tesipoli, na sau i Moape i le temi lena.

Tetelonome 2:29

Ofaipe le fakataga mai kiate au e fanau a Esau ala e nonofo i le fenua o Seili, mo le kau Moape ala e nonofo i le fenua o Ale, ke kau fakalaka i olatou fenua, ke ke toe fakataga mai foki kiate au ke kau fakalaka i lou fenua, o kaku ki laku fakalaka i le Solotane o ulu ki le fenua leia e soli mai kia matou e le Eteleno, lomatou Atua.

Tetelonome 2:5

Aua na kotou fai ia loa se nea kia latou, talie e leaise kau tuku atu loa kia koutou se nea fua e tasi i lolatou fenua, pe ko se ganea fua ke tuu ai ou taga vae. Talie kua kau soli le mauga o Seili ko le tofiga a ia o Esau.

Tuifakamaau 11:15

o pati kiate ia : Ko leinei le masau a Sefete : Na leaise too e Iselaele le fenua o Moape, ti mo le fenua o vosa o Amone.

Tuifakamaau 11:17

Ti na kakau loa e Iselaele ni tagata avelogo ki le sau o Etome, o pati kiate ia : Fakataga mai kiate au ke kau fakalaka i lou fenua. Kae na leaise tali loa e le sau o Etome. Na toe kakau foki e Iselaele ni iki ake tagata avelogo ki le sau o Moape, kae na leaise tali e ia.

Tuifakamaau 11:18

Ti na saele loa Iselaele i le toafa, o foli takai le fenua o Etome mo le fenua o Moape, ti na au loa a ia i le fetuu esite o le fenua o Moape ; na lotou fakatuu loa lolatou nofolaga i leia atu fetuu o le liua o Alenone, kae na leaise lotou ulu loa ki le fenua o Moape, talie ko le Alenone ko le koiga a ia o Moape.