Tetelonome 2:7 - Tosi Tapu

⁷ Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Tetelonome 2:7 Iomraidhean Croise

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 24:35

Kua tapuaki lasi ai le Eteleno ki loku aliki, ti kua liliu a ia o makeke. Na soli e le Eteleno kiate ia ni kau ovi mo ni kau pipi, mo se siliva ti mo se aulo, mo ni kau tagata fakasausau ti mo ni kau fafine fakasausau, mo ni kau kamelo ti mo ni kau asino.

Senesi 26:12

Na to loa e Isaake ni fakaili i le fenua lena, ti na utu loa e ia i le fetuu lena o liuga kau lelau ; talie na tapuaki loa le Eteleno kiate ia.

Senesi 30:27

Na pati loa Lapane kiate ia : Kapau e ke alofa kiate au, ti ke nofo i leinei. E kau iloa malie na tapuaki le Atua kiate au o tupu ko koe ;

Senesi 39:3

Na tio loa lona pule na nofo le Eteleno mo ia, ti na fakamanuia loa e le Eteleno a nea fuli i ona lima.

Senesi 39:5

Talu mei le aso leia na fakanofo ai a ia e Potifale ke pule ki lona fale mo ana nea fuli, na tapuaki loa le Eteleno ki le fale o le tagata Esipito, o tupu ko Sosefo. Ti na ifo loa le tapuakina a le Eteleno ki ana nea fuli, i lona loto fale, ti mo ona faisaga.

Neemia 9:21

Na ke tokaga kia latou i fetuu e kau fa i le toafa, ti na leaise puli fua se nea kia latou, ti na leaise popo fua olatou kofu, ti na leaise veveli fua olatou vae.

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Pesalemo 1:6

Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Pesalemo 107:4

Na lotou foli i le toafa, na lotou saele i le ganea lavaki ; Na leaise lotou maua se kolo leia ke lotou nonofo ai.

Pesalemo 31:7

E kau vesia kia latou ala e pipiki ki ni taulaatua noa, Ti e kau fanaki ki le Eteleno.

Pesalemo 90:17

Ke nofo ia tatou le kalasia o le Eteleno, lotatou Atua ! Fakamakeke le gaoi o omatou lima ; Io, fakamakeke le gaoi o omatou lima !

Ekesote 16:35

Na kai loa e fanau a Iselaele le mane i fetuu e kau fa o kaku ki lalatou kaku ki se fenua leia kua nofoi ; na lotou kai loa le mane o kaku ki lalatou kaku ki koiga o le fenua o Kanaane.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Oseo 13:5

Na kau iloa a koe i le toafa, I se kele malo.

Amosi 2:10

Kae na kau aumai koutou mei le fenua o Esipito, Ti na kau taki koutou i fetuu e kau fa i le toafa, Ke kotou maua le fenua o le kau Amole.

Numelo 1:1

Na masau loa le Eteleno kia Moisese i le toafa o Sinai, i le falela tapu, i le uluaki aso o le lua masina, i le lua fetuu ki le mavae i Esipito. Na pati loa a ia :

Numelo 14:33

ti e eva loa okoutou fanau i fetuu e kau fa i le toafa, ti e lotou amo loa le tua o akoutou agatuu, o kaku ki lokoutou mamate fuli i le toafa.

Numelo 14:34

Na kotou tioi le fenua i aso e kau fa, e kotou amo loa le mamae o akoutou agaveli i fetuu e kau fa, ko le fetuu e tasi ki le aso e tasi. Ti e kotou iloa ai loa le veli o le agatuu kiate au.

Numelo 22:12

Na pati loa le Atua kia Palaame : Ke aua na ke ano loa mo latou ; ke aua na ke tuku ia loa se malaia ki le kakai lena, talie kua kau tapuakii le kakai lena.

Numelo 32:13

Na mu loa le sausau o le Eteleno ki Iselaele, ti na fakaeva loa e ia latou i le toafa i fetuu e kau fa, o kaku ki le puli o le tautupu katoa leia na fai ia le nea veli lena ki mata o le Eteleno.

Luka 22:35

Ti na toe pati loa Sesu kia latou : I laku kakau koutou sala paaga, mo sala taga, ti mo sala taka, pe na puli se nea kia koutou ? Na lotou tali loa : Leai !

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Tetelonome 1:19

Na tou mavae loa i Olepe, ti na tou foli katoa loa i le toafa lasi mo fakaii leinei kua kotou iloa ; na tou too loa le ala leia e ano ki le mauga o le kau Amole, o mulimuli ki le fakatotonu a le Eteleno, ti na tou kaku loa ki Katesi-Palenea.

Tetelonome 1:46

Koia na kotou nofo fualoa ai loa, io, o fualoa veli ai, i Katesi-Palenea.

Tetelonome 2:14

Ko le fualoa o le temi leia na tou saele ai mei Katesi-Palenea o kaku ki le fakalaka i le liua o Seleti ko fetuu e kau tolu tupu valu, o kaku ki le puli o le tautupu katoa o tagata tau, o mulimuli ki le fakapapau leia na fai e le Eteleno kia latou.

Tetelonome 2:6

E kotou totogi paaga loa kia latou le nea kai leia e kotou kai loa, mo le vai leia e kotou inu loa.

Tetelonome 29:4

Kae, o kaku mai ki le aso leinei, na leaise tuku e le Eteleno kia koutou se loto ke matala, mo ni mata ke tio, mo ni taliga ke logo.

Tetelonome 29:5

Na kau taki a koe i le toafa i le lolotoga o fetuu e kau fa : na leaise popo fua ou teu iate koe, ti na leaise popo fua lou taka i lou vae ;

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.