Tetelonome 2:23 - Tosi Tapu

²³ Ko le kau Avi, ala na nonofo i kolo liliki o le fenua ko Kasa, na maumaui loa e le kau Kafetolimi, kakai na ifo meia Kafetoli, ala na nonofo loa i lolatou fenua.

Tetelonome 2:23 Iomraidhean Croise

Senesi 10:14

mo le kau Patulusimi, mo le kau Kaseluimi, ala na tupu loa mei ai le kau Kafetolimi mo le kau Filisitini.

Senesi 10:19

Na natu loa a koiga o Kanaane i Sitone, i le fetuu o Kela, o kaku ki Kasa, ti na lotou soko atu loa i ai ki Sotoma mo Komola, ki Atema mo Sepoimi, o tau ki Lesa.

Uluaki tosi o Sau 4:24

Na pule a ia ki le fenua katoa i leia atu fetuu o le vaitafe, mei Tifesake o kaku ki Kasa, ki sau fuli o leia atu fetuu o le vaitafe. Ti na maua e ia le tokamalie mei potu fuli.

Lua tosi o Sau 18:8

Na tamate loa e ia le kau Filisitini o kaku ki Kasa, ti na maumaui loa e ia lolatou fenua mei ona tule leo o kaku ki kolo tau.

Uluaki tosi o Koloniko 1:12

mo le kau Patelusimi, mo le kau Kaseluimi, ala na au mei ai le kau Filisitini mo le kau Kafetolimi.

Selemia 25:20

Ki Alapia katoa, ki sau fuli o le fenua o Ute, Ki sau fuli o le fenua o le kau Filisitini, Ki Asekaloni, ki Kasa, ki Ekeloni, ki le nea leia e toe i Asetoti ;

Selemia 47:4

Talie kua soko mai le aso leia e maumaui ai loa le kau Filisitini katoa, Ti e tamate ai loa latou fuli ala koi tokoi ki Tile mo Sitone ; Talie e maumaui loa e le Eteleno le kau Filisitini, Mo toetoega o le motu ko Kafetoli.

Amosi 9:7

Fanau a Iselaele, pe leaise kotou fai kiate au Pe fanau a le kau Etiopia ? e pati le Eteleno. Pe na leaise kau fakamavae Iselaele mei le fenua o Esipito, Ofaipe le kau Filisitini mei Kafetoli ti mo le kau Silia mei Kile !

Sofoni 2:4

Talie e tiaki loa a Kasa, E liliu loa Asekaloni o toafa, E kapu loa Asetoti i le lalatea, E taaki loa Ekeloni.

Sakalia 9:5

E tio loa ki ai Asekaloni, ti e i loa a ia. Ti mo Kasa foki, e too loa a ia e se i lasi ; Ti mo Ekeloni foki, talie e puli loa lana amanaki malie. E puli loa le sau i Kasa, Ti e leaise toe nofoi loa Asekaloni.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Sosue 10:41

Na taui loa e Sosue le fenua o kamata mei Katesi-Palenea mo Kasa, i le potu saute, o kaku ki le fenua o Koseni mo Kapaone, i le potu noleto.

Sosue 11:22

Na leaise toe maua se Anake i le fenua o Iselaele, kae na toe fai i Kasa, mo Kati, ti mo Asetoti.

Sosue 13:3

mei Sikole leia e tafe i mua o Esipito o kaku ki le koiga o Ekeloni i le noleto, fenua o le kau Kanaane, ti e nofoi e sau e lima o le kau Filisitini, le sau o Kasa, mo le sau o Asetoti, mo le sau o Asekaloni, mo le sau o Kati, ti mo le sau o Ekeloni, ti mo le kau Avi.

Sosue 15:47

mo Asetoti, mo ona kolo ala na fakalogo ki ai, ti mo ona kolo liliki o kaku ki le liua o Esipito, leia ko le koiga.

Tuifakamaau 1:18

Na toe too foki e Suta a Kasa mo lona fenua, mo Asekaloni mo lona fenua, mo Ekeloni mo lona fenua.