Tetelonome 2:21 - Tosi Tapu

²¹ Ko se kakai a ia na makeke, mo api, mo lalasi, ofaipe le kau Anake. Na maumaui loa latou e le Eteleno i mua o le kau Amone, leia na kapu ia loa latou kae lotou nofo loa i lolatou fenua.

Tetelonome 2:21 Iomraidhean Croise

Tetelonome 1:28

E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Tetelonome 2:20

Na pati foki na kau le fenua lena ki le fenua o le kau Lefaimi : Talie i mua na nofo ai se kakai Lefaimi leia na fakaigoa e le kau Amone ko le kau Samisumi :

Tetelonome 2:22

Ko lena le nea leia na fai e le Eteleno ki fanau a Esau, ala na nonofo i Seili, i le aso leia na maumaui ai e ia le kau Oli i olatou mua ; na lotou kapu loa le kau Oli, kae na lotou nonofo loa i lolatou fenua, o kaku mai ki le aso nei.

Tetelonome 3:11

Ko Oki, sau o Pasani, ko le sau fakamuli a ia o le kau Lefaimi. E feala ke tio i Lapa, kolo mua o le kau Amone, ki lona pusa mate, ko se pusa ukamea leia na meta fa tupu lona loa, ti na meta lua lona lau lasi.

Tuifakamaau 11:24

Pe leaise ke maua ia le fenua leia na soli atu kiate koe e lou atua ko Kemosi ? Ti ko matou foki, e tonu ke motou maua ia a nea fuli ala na soli mai kia matou e le Eteleno ko lomatou Atua !