Tetelonome 2:15 - Tosi Tapu

¹⁵ Na gaoi le lima o le Eteleno kia latou, o maumaui latou mei le kakai, o kaku ki lolatou pupuli.

Tetelonome 2:15 Iomraidhean Croise

Pesalemo 106:26

Ti na siki loa e ia lona lima o fakamaoki Ke tuku latou ke mamate i le toafa,

Pesalemo 32:4

Talie na mamafa lou lima kiate au i le pouli mo le ao, Na malo noa loku makeke ofaipe leia o le temi vevela. - Manava.

Pesalemo 78:33

Na fakaoki loa e ia olatou aso i le nea vaiga, Ti mo olatou fetuu i le mamae.

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Numelo 14:28

Pati kia latou : E kau mauli ! e pati le Eteleno, e kau fai loa o mulimuli ki akoutou masau ala na logo ki ai oku taliga.

Uluaki tosi ki le kau Kolinto 10:5

Kae na leaise malie le toka api o latou ki le Atua, talie na lotou mamate loa i le toafa.

Suta 1:5

E kau loto ke kau toe fakamanatu atu kia koutou, kia koutou ala e iloa ia a nea fuli ana, ko le Aliki, i le oki o lana saofaki le kakai ti mo lana fakamavae latou mei le fenua o Esipito, na tamate ia le kau tui gataa ;

Tuifakamaau 2:15

I temi fuli ala na lotou ano ai o tau, na fakafesagai loa le lima o le Eteleno kia latou, o fai kia latou se nea veli, o mulimuli ki le nea leia na fakasa e le Eteleno kia latou, o mulimuli ki le nea leia na fakapapau e le Eteleno kia latou. Ti na lotou nonofo loa i se mamae lasi ai.

Uluaki tosi a Samuele 5:11

Na lotou afa loa ke fakatasii kia latou a pule fuli o le kau Filisitini, ti na lotou pati loa : Ke kotou toe fakaliliu le aleka o le Atua o Iselaele ; ke toe liliu a ia ki lona nofoaga, ti ke aua na fakamate e ia tatou mo lotatou kakai. Talie kua mafola loa se i lasi i le kolo katoa ; na mamafa loa i ai le lima o le Atua.

Uluaki tosi a Samuele 5:6

Na mamafa loa le lima o le Eteleno ki le kau Asetoti, ti na tuku loa e ia le maumau lasi kia latou ; na taai loa e ia a Asetoti mo lona fenua ki se masaki veli ko le mamae o le faikauga.

Uluaki tosi a Samuele 5:9

Kae i le oki o lona ave, na vilo loa le lima o le Eteleno ki le kolo, ti na i ai loa se mamae lasi i le kolo ; na taai loa e le Eteleno le kakai o le kolo, mei leia e ikiiki ki leia e lasi, ti na maua loa e le kakai o le kolo le masaki veli ko le mamae o le faikauga.

Uluaki tosi a Samuele 7:13

Na gaegae loa i ai le kau Filisitini, ti na leaise lotou toe au loa ki le fenua o Iselaele. Na siki loa le lima o le Eteleno ki le kau Filisitini i le mauli katoa o Samuele.