Tetelonome 19:6 - Tosi Tapu

⁶ E leaise tonu loa ki le tagata totogi toto, i le lasi o lona ita, ke tuli e ia ti ke maua e ia le tagata tukipo o tamate, o tupu ko le loa o le ala. Talie e leaise tonu ke mate le tagata tukipo, talie na leaise nofo a ia i mua mo sona ita ki le tagata leia kua mate.

Tetelonome 19:6 Iomraidhean Croise

Lua tosi a Samuele 14:7

Ti ko leinei, kua malaga mai le famili katoa ki lau fafine fakasausau, o pati : Tuku mai nei leia na tukipo ia lona taina ! E motou loto ke tamate a ia ke taui ai le mauli o lona taina leia na tamate e ia ; e motou loto ke maumaui foki mo lona sakoga ! E lotou tamate ai loa le ga malala leia koi kaka iate au, ti e leaise toe maua loa se sakoga o loku avaga i aluga o le kele.

Numelo 35:12

E kotou fakaaoga loa a kolo ana ofaipe ni ulufaga ki le tagata totogi toto, o tupu ke aua na tamate le tagata tukipo kae e leikiaise fakamaaui a ia e le fono.

Tetelonome 19:5

Ko nei ni faifaitakiaga : E fai la pe se tagata leia na ano mo se tasi tagata ki le vao matua o ta laakau. Na siki loa e ia lana toki o tuuti se laakau, ti na masau loa le matai toki i le kau o le toki o tau ki lona soa o tupu ai lona mate. Ko le tagata lena na fai ia le tutamaki e feala loa ke sola ki se kolo i kolo ana ke saofaki ai lona mauli.

Tetelonome 19:7

Koia leia e kau tuku atu ai kiate koe le fakatotonu leinei : Ke ke filifili loa kiate koe ni kolo e tolu.

Tetelonome 21:22

Kapau e tamate loa se tagata, leia na fai ia loa se agasala leia e tonu ke fakatuaa ki le mate, o ke tautau loa a ia ki se laakau,

Sosue 20:5

Kapau e tuli loa a ia e le tagata totogi toto, e leaise lotou tuku loa a ia ki lima o le tagata totogi toto ; talie na tukipooi e ia lona oloi kae na leaise loto a ia ki ai, ti na leaise fili a ia kiate ia i mua.