Tetelonome 18:10 - Tosi Tapu

¹⁰ Ke aua na maua iate koe se tasi leia e fakalaka ia lona vosa pe ko lona taine i le afi, se tasi leia e fai kikite, se tasi leia e fai nea fakaofolele loi, se tasi leia e fai nea fakatemonio,

Tetelonome 18:10 Iomraidhean Croise

Senesi 44:5

Pe leaise kotou nofo loa mo le ipu leia e inu ai loku aliki, leia e toe fakaaoga e ia ki le fai kikite ? E veli le nea leia kua kotou fai.

Lua tosi o Sau 16:3

Na saele loa Akase i le ala o sau o Iselaele ; ti na momoli foki e ia lona vosa i le afi, o mulimuli ki aga fakalialia a atu puleaga pagani, ala na kapu e le Eteleno i mua o fanau a Iselaele.

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Lua tosi o Sau 17:17

Na lotou momoli loa i le afi olatou vosa mo olatou taineliki, ti na lotou fai loa a nea fakakikite mo nea fakatemonio, ti na lotou fakatau loa latou ke fai le nea leia e veli ki mata o le Eteleno, o tupu ke ita ai.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Sau 23:24

Ti na fakapuli foki e Sosiasi latou fuli ala na masau ki laumalie veli, mo latou ala na fai kikite, mo fakatata, mo taulaatua, ti mo nea fakalialia fuli ala na maua i le fenua o Suta mo Selusalemi, o tupu ke fakasoko ai a folafola o le lao, ala na tuu i le tosi leia na maua e le tagata faisakilifisio ko Ilekisa, i le fale o le Eteleno.

Uluaki tosi o Koloniko 10:13

Na mate loa Saulo, o tupu na agasala loa a ia ki le Eteleno, ti na leaise fakalogo loa a ia ki lana folafola, ti na afa loa e ia latou ala e masau ki le kau mate.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Ekesote 22:17

Kapau e leaise loto le tamana o le taine ke tuku ake lona taine kiate ia, ti e totogi paaga loa e le tagata lena le koloa leia e soli ki le taine taupoou mo ka avaga.

Ekesote 22:18

Aua na ke tuku loa ke mauli le fafine fai nea fakatemonio.

Esaia 47:13

Kua ke pakia i le ano kia latou ala e sivi ia le lagi mo temi ! Ke lotou tutuu ake ki aluga ti ke lotou fakamauli a koe, Latou ala e iloa ia le lagi, Latou ala sivisivi ia a fetuu, Latou ala e kikite ia le nea leia ka soko o mulimuli ki masina foou, Le nea leia ka soko kiate koe !

Selemia 27:10

Talie ko le loi lena e lotou kikite atu kia koutou, o tupu ke ave mamao koutou mei lokoutou fenua, o tupu ke kau kapu koutou ti ke kotou mamate.

Selemia 27:9

Ti ko koutou, aua na kotou fakalogo ki okoutou polofeta, mo okoutou kau kikite, mo okoutou kau moe miti, mo latou e sivi ia le lagi, ti mo latou ala fai nea fakatalatupua, ala e pati atu kia koutou : E leaise kotou tausi loa ki le sau o Papilone !

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Levitiko 19:26

Aua na kotou kai loa se nea mo se toto. Aua na kotou vavakai loa a gata, pe ko ao ke kotou maua mei ai ni kikite.

Levitiko 19:31

Aua na kotou maliu loa kia latou ala e masau ki laumalie o le kau mate, pe ko le kau kikite ; aua na kotou afa loa latou, talie na kotou kelekele loa mo latou. Ko au ko le Eteleno, ko lokoutou Atua.

Levitiko 20:6

Kapau e masau se tagata ki le kau mate mo laumalie veli, o faiaga mo latou, e kau tagaki loa oku mata ki le tagata lena, ti e kau tuuti loa a ia mei lona kakai.

Mikea 5:12

E kau motusi loa i loto malie o ou ou taulaatua mo ou fakatata, Ti e leaise ke toe tulolo loa i mua o le nea leia na fau e ou lima ;

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Gaoi 19:19

Ti na toka api foki ia latou ala na fai nea fakatemonio na aumai ia alatou tosi, o tutu i mua o le kakai katoa : Na fakaano lona totogi ki ni fa piesi paaga e kau lima afe.

Gaoi 8:9

Kae na i ai se tagata na igoa ko Simone, leia na fai nea fakatemonio i mua atu i le kolo, o tupu ai le punamauli o le kakai o Samalia, ti mo lalatou tuku ko se tagata mauiga a ia.

Kalate 5:20

mo le tausi taulaatua, mo le fai nea fakatemonio, mo vesia, mo fefele, mo finenonofo, mo itaita, mo vaevaega, mo magai lotu ;

Tetelonome 12:31

Ke aua na ke fai fenaaki ki le Eteleno, lou Atua ; talie na lotou tausi ki olatou atua o fai a nea fakalialia fuli ala e vesia ki ai le Eteleno, ti na lotou tutu foki i le afi ki olatou atua, olatou vosa mo olatou taineliki.

Uluaki tosi a Samuele 15:23

Talie e tatau le agasala o le patigataa mo le agasala o le tausi fakatemonio, ti e tatau le fakafefeka mo le tausi ki taulaatua mo fakatata. O tupu kua ke tiaki le folafola a le Eteleno, e toe tiaki loa a koe e le Eteleno ke aua na ke toe sau loa.

Uluaki tosi a Samuele 28:3

Kae kua mate loa Samuele ; ti na tagi Iselaele katoa kiate ia, ti na lotou tanu a ia i Lama, i lona kolo. Ti kua oki foki lona too e Saulo mei le fenua latou ala e felogoi mo le kau mate, mo latou ala e fai kikite.

Uluaki tosi a Samuele 28:7

Ti na pati loa Saulo ki ana tagata fakasausau : Kotou afa mai se fafine e felogoi mo le kau mate, ti e kau ano loa o afa le finegalo o le Atua kiate ia. Na pati loa na tagata fakasausau kiate ia : E i ai se fafine i Ene-Toli e felogoi mo le kau mate.

Uluaki tosi a Samuele 28:8

Na tui loa e Saulo ni iki ake a teu, ke aua na iloa a ia, ti na ano loa a ia mo ni tagata e toka lua. Na lotou kaku pouli loa ki le fale o le fafine. Na pati loa Saulo : Fakasasa mai le nea leia ka soko loa, o ke afa a ia ki se tasi leia kua mate ; ti ke fai ke pale mai kiate au leia ka kau pati atu loa ki ai.

Uluaki tosi a Samuele 28:9

Na tali loa le fafine kiate ia : E ke iloa malie le nea leia na fai e Saulo, lana aga o too mei le fenua latou fuli ala e felogoi mo le kau mate ti mo latou ala e fai kikite ; kolea e ke fai ai se masele ke kau mate ai ?