Tetelonome 18:1 - Tosi Tapu

¹ E leaise maua loa e le kau Levi faisakilifisio, le faasiga katoa o levi, se vaega mo se tofiga mo Iselaele. E lotou mauli loa ki sakilifisio tutu e le afi ki le Eteleno, mo le tofiga o le Eteleno.

Tetelonome 18:1 Iomraidhean Croise

Selemia 33:18

Ti e leaise mativa loa i se aso le kau faisakilifisio, mo le kau Levi, i se tagata Ke momoli ia ni failaulau, mo tutu ia le iseso mo moliga, Ti mo fai ia ni sakilifisio i aso fuli.

Esekiele 44:28

Ko leinei le tofiga leia e lotou maua loa : Ko au totonu ko lolatou tofiga. E leaise kotou soli loa kia latou se tofiga i Iselaele : Ko au totonu ko lolatou tofiga.

Numelo 18:20

Na pati loa le Eteleno kia Alone : E leaise ke maua ia loa se tofiga i lolatou fenua, ti e leaise ke maua ia loa se vaega i loto malie o latou ; ko au ko lou vaega mo lou tofiga, i loto malie o fanau a Iselaele.

Numelo 26:62

Ko latou fuli ala na tosi loa, a tagata fuli mei le masina tasi o fai ki aluga, ko le 23 000. Na leaise tosi loa latou i le tosi o fanau a Iselaele, talie na leaise tonu loa ke soli kia latou se tofiga ofaipe la ake fanau a Iselaele.

Tetelonome 10:9

Koia leia e leaise maua loa e Levi sona vaega pe ko sona tofiga mo ona fetaina : ko lona tofiga ko le Eteleno, o mulimuli ki le pati a le Eteleno, lona Atua kiate ia.

Tetelonome 12:19

Ke ke tokaga ai na ke galoi loa le Levi i se aso, i le temi katoa leia e ke mauli ai loa i lou fenua.

Sosue 13:14

Ko le faasiga o Levi toka tasi na leaise soli ki ai se tofiga e Moisese ; ko sakilifisio tutu e le afi i mua o le Eteleno, le Atua o Iselaele, ko lena lona tofiga, o mulimuli ki le nea leia na fakasa kiate ia.

Sosue 13:33

Na leaise soli loa e ia se tofiga ki le faasiga o Levi ; ko le Eteleno, ko le Atua o Iselaele, ko lena lona tofiga, ofai ki lana fakasa kiate ia.

Sosue 18:7

Kae e leaise maua loa se tofiga ki le kau Levi i loto malie o koutou, talie ko lolatou tofiga ko le tuulaga fakapelepitelo a le Eteleno ; ti ko Kate, mo Lupeni ti mo le vaelua o le faasiga o Manase kua maua olatou tofiga i le fetuu esite o le Solotane : na soli e Moisese, tagata fakasausau o le Eteleno, olatou tofiga kia latou.