Tetelonome 17:8 - Tosi Tapu

⁸ Kapau e leaise mafai e se fono fakakolo ke fakamaaui ia se nea o uiga mo se tukipo, pe ko se lavea, pe ko se tasi ake a nea, e feala loa ke ke ano o ave a ia ki le ganea leia e filifili loa e le Eteleno, lou Atua.

Tetelonome 17:8 Iomraidhean Croise

Lua tosi a Samuele 15:2

Na alaala usu loa a ia, o tuu i tafa o le ala o le matapa. I temi fuli ala e fakalaka ai se tagata leia kua nofo mo se nea ke fakamaaui, o ano ki le sau o tupu ke fai sona fakamaau, na kalagai a ia e Apesalone, o pati : E ke kau ki le kolo fea ? Ti kapau e tali mai a ia : E kau kau ki leia le faasiga o Iselaele,

Uluaki tosi o Koloniko 26:29

I vosa o Siteseale, ko Kenania mo ona fetaina na tokaga ki gaoi fakapuleaga o Iselaele, ko latou ala na kovana ti na tui fakamaau i Iselaele.

Ekesote 18:15

Na tali loa Moisese ki lona tamana : E tupu e au le kakai kiate au o afa le finegalo o le Eteleno.

Ekesote 18:26

Na lotou fakamaaui loa le kakai i aso fuli : na lotou ave loa kia Moisese a nea faigataa, kae na lotou fakatokatoka loa a nea liliki fuli.

Ekesote 21:20

Kapau e taai loa e se tagata ki se laakau lana tagata fakasausau, pe ko lana fafine fakasausau, o mate i lona lima, e fakatuaa loa le pule.

Ekesote 21:22

Kapau e fefele ni tagata, ti e lavea ai se fafine tinae, o vilo ai lona toe, ti na gato ai lona veli : e fakatuaa loa a tagata ana ki se tua leia e fakatotonu loa e le avaga o le fafine, ti e la totogi loa a ia i mua o ni tui fakamaau.

Ekesote 21:28

Kapau e taai loa e se pipi ki ona tala se tagata pe ko se fafine, o tupu ai lona mate, e tuki fatui loa le pipi ke mate, ti e leaise kai loa lona tino, ti e leaise fakatuaa loa lona pule.

Ekesote 22:2

Kapau e mautoka se tagata e lolotoga kaia i le pouli, ti na taai a ia o mate, e leaise lau loa le nea lena ko se tukipo ;

Ekesote 22:8

Ti kapau e leaise maua le tagata kaia, e ano loa le tagata o ona le fale ki mua o le Atua, o fakasa na leaise fafa lona lima ki le koloa o lona oloi.

Esekiele 44:24

E lotou tui fakamaau loa i nea ala e visi, ti e lotou fakamaaui loa o mulimuli ki aku lao. E lotou tausi loa aku lao ti mo aku fakatotonu i oku aso lalasi fuli, ti e lotou tokaga loa ke fakaapaapa ki oku sapato.

Akeseo 2:11

E folafola le Eteleno o kau tau : Fai ki le kau faisakilifisio le vesili leinei o uiga mo le lao :

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Numelo 35:11

E kotou filifili loa ni kolo ke tuu ko ni kolo ulufaga. I kolo ana e feala loa ke sola ki ai leia na tukipooi ia se tasi i se tutamaki.

Numelo 35:16

Kapau e taai loa e se tasi lona oloi ki se nea ukamea o tupu ai lona mate, ko se tukipo a ia : ti e fakatuaa loa le tagata tukipo ki le mate.

Tetelonome 1:17

Ke aua na kotou tiotio tagata i se fakamaau ; ke kotou logo fakatatau ki leia e ikiiki mo leia e lasi ; ke aua na kotou i ki se tagata, talie e kotou fakamaaui i le suafa o le Atua. Ti kapau e faigataa loa se nea kia koutou, ke kotou aumai loa a ia kiate au, ke kau logo ki ai.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:14

kae ke ke momoli loa latou i le ganea e tasi leia e filifili loa e le Eteleno, i se tasi o okoutou faasiga, ti ko lena le ganea leia e tonu ke fai ai loa a nea fuli ala e kau fakatotonu atu kiate koe.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 19:17

e ano loa a tagata ana e visi ki le Eteleno, i mua o tagata faisakilifisio mo tui fakamaau ala e gaoi i aso ana.

Tetelonome 19:4

E fakatuu le lao lena ki le tagata leia na fai ia se tukipo i se tutamaki kae na leaise nofo a ia mo sona vesia ki leia kua mate, o tupu ke feala ke sola a ia ki se kolo i kolo ana ti ke saofaki ai lona mauli.

Tetelonome 21:5

E fakafeofi ake loa a tagata faisakilifisio, vosa o Levi ; talie ko latou ala na filifili e le Eteleno, lou Atua, ke tausi kiate ia, ti ke tuku ia le tapuaki i le suafa o le Eteleno, ti ke fakatokatoka ia a visi fuli mo lavea fuli.

Tetelonome 25:1

Ka fefele loa ni tagata, ti na la ano loa ki mua o le fakamaau ke fakamaaui laua e le tui fakamaau, e fakamatatonu loa leia e mea, kae fakatuaa loa leia e sala.