Tetelonome 17:14 - Tosi Tapu

¹⁴ Ka ke ulu loa ki le fenua leia e soli loa e le Eteleno, lou Atua, kiate koe, ke ke maua tofiga, ti ka ke nofo loa i ai ti mo ke pati loa : E kau loto ke fakanofo kiate au se sau, ofaipe puleaga fuli i oku tafatafa,

Tetelonome 17:14 Iomraidhean Croise

Levitiko 14:34

Ka kotou ulu loa ki le fenua o Kanaane, leia e kau soli loa kia koutou ke kotou maua, kapau e kau fakaea loa se sekaseka i se fale o lokoutou fenua foou,

Numelo 33:53

Ke kotou too loa lolatou fenua, o kotou nofoi loa, talie kua kau soli atu a ia kia koutou, ko lokoutou fenua a ia.

Tetelonome 11:31

Talie kua vave fua lakotou fakalaka i le Solotane, o ano o too le fenua leia e soli kia koutou e le Eteleno, lokoutou Atua. Ke kotou too a ia ti ke kotou maua tofiga a ia.

Tetelonome 18:9

Ka ke ulu loa ki le fenua leia e soli kiate koe e le Eteleno, lou Atua, aua na ke ako loa le fakatautau o nea fakalialia a puleaga ana.

Tetelonome 26:1

Ka ke ulu loa ki le fenua leia e soli atu loa kiate koe e le Eteleno, lou Atua, ke ke maua tofiga, ti ka ke maua loa a ia ti mo ke nofo loa i ai,

Tetelonome 26:9

Na aumai loa e ia matou ki le ganea leinei, ti na soli mai loa e ia kia matou le fenua leinei, fenua leia e sali ai le sua manu mo le meli.

Tetelonome 7:1

Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Sosue 1:13

Ke kotou manatui le nea leia na fakatotonu atu kia koutou e Moisese, tagata fakasausau a le Eteleno i le aso leia na pati ai : kua soli atu e le Eteleno, lokoutou Atua, kia koutou le malolo ; kua soli atu e ia kia koutou le fenua leinei.

Sosue 21:43

Na soli loa e le Eteleno ki Iselaele le fenua katoa leia na fakapapau e ia ke soli ki olatou tamana ; na lotou too loa a ia ti na lotou nonofo loa i ai.

Uluaki tosi a Samuele 10:19

Kae i le aso nei, kua kotou tiaki lokoutou Atua, leia na saofaki ia koutou mei okoutou malaia fuli mo okoutou mamae fuli, ti kua kotou pati kiate ia : Fakanofo se sau kia matou ! Ke kotou tutuu i le temi nei i mua o le Eteleno, o mulimuli ki okoutou faasiga mo okoutou tino afe.

Uluaki tosi a Samuele 10:25

Na fakailo loa e Samuele ki le kakai katoa le pule leia e maua e le sau, ti na tosi loa e ia aia i se tosi, o tuku ki mua o le Eteleno. Ti na kakau loa e ia le kakai katoa, ke tasi ano ki lona kaiga.

Uluaki tosi a Samuele 12:19

Ti na pati loa le kakai katoa kia Samuele : Faikole ki le Eteleno, lou Atua, o uiga mo au tagata fakasausau, ke aua na motou mamate ; talie na motou toe fakalasi amatou agasala, o kole se sau kia matou.

Uluaki tosi a Samuele 16:3

E ke fakaafe loa Isaia ki le sakilifisio ; e kau fakailo atu loa kiate koe le nea leia e tonu ke ke fai, ti e ke takai lolo loa kiate au leia e kau pati atu loa kiate koe.

Uluaki tosi a Samuele 8:11

Na pati loa Samuele : Ko nei a nea ala e fakamaua loa e le sau leia ka pule loa kia koutou. E too loa e ia okoutou vosa, ti e tuku loa e ia latou ke taki ia ana saliote ti ke liliu ko ana kau ekeosi, o tupu ke lotou makape i mua o lana saliote ;