Tetelonome 16:21 - Tosi Tapu

²¹ Ke aua na ke fakatuu loa se taulaatua i tafa o le aletale leia e ke fakatuu ia loa ki le Eteleno, lou Atua.

Tetelonome 16:21 Iomraidhean Croise

Uluaki tosi o Sau 14:15

Na taai loa e le Eteleno a Iselaele, ti e fai loa a ia pe se fa u leia e lu i le atu vai ; e taaki loa e ia a Iselaele mei le fenua malie lena na soli e ia ki olatou tamana, ti e fakamavete loa e ia latou ki leia atu fetuu o le vaitafe, talie na lotou fau ni olatou fakatata ke ita ai le Eteleno.

Uluaki tosi o Sau 16:33

ti na fai loa e ia se fakatata o Asetalate. Na fai loa e Akapo o lasi ake i sau fuli o Iselaele i ona mua, ke fakatupu ai le sausau o le Eteleno, le Atua o Iselaele.

Lua tosi o Sau 17:16

Na lotou tiaki loa a fakatotonu fuli a le Eteleno, lolatou Atua, ti na lotou fai loa kia latou ni pipi e lua ki le ukamea na saka, ti na lotou fau loa ni fakatata o Asetalate, ti na lotou atolasio loa ki le kau tau katoa o le lagi, ti na lotou tausi loa kia Paale.

Lua tosi o Sau 21:3

Na toe fakatuu loa e ia a ganea taualuga, ala na maumaui e Esekiasi, lona tamana ; na fakatuu loa e ia ni aletale kia Paale, ti na fai loa e ia se fakatata o Asetalate, ofaipe le fai e Akapo, sau o Iselaele, ti na atolasio loa a ia ki le kau tau katoa o le lagi mo tausi ki ai.

Lua tosi o Sau 21:7

Na tuku loa e ia le fakatata o Asetalate, leia na fai e ia, ki loto o le fale leia na pati ki ai le Eteleno kia Tavite mo Salomone, lona vosa : Ko le fale leinei, leia e tuu i Selusalemi, leia na kau filifili i faasiga fuli o Iselaele, ti e kau loto ke fakasa ai loku suafa o lee gato.

Lua tosi o Koloniko 33:3

Na toe laga loa e ia a ganea taualuga, ala na maumaui e lona tamana ko Esekiasi ; na fakatuu loa e ia ni aletale kia Paale, ti na fai loa e ia ni fakatata o Asetalate, ti na atolasio loa a ia ki le kau tau o le lagi.

Ekesote 34:13

Kae e kotou maumaui loa olatou aletale, e kotou momoi loa olatou fakatata, ti e kotou tekai loa olatou laakau tapu.

Levitiko 26:1

Aua na kotou fai loa ni taulaatua loi, aua na kotou fakatuu loa kia koutou ni fakatata togi, ti aua na kotou fakatuu loa i lokoutou fenua se fakatata fatu, ke kotou punou loa i ona mua ; talie ko au ko le Eteleno, ko lokoutou Atua.

Tetelonome 7:5

Kae ko leinei le nea leia e kotou fai loa kia latou : Ke kotou maumaui loa olatou aletale, ti ke kotou fatifatii loa olatou fakatata fatu, ti ke kotou tutuuti loa olatou pou tapu, ti ke kotou tutu loa i le afi olatou taulaatua.

Tuifakamaau 3:7

Na agaveli loa fanau a Iselaele ki le Eteleno, ti na lotou galoi ia loa le Eteleno, lolatou Atua, kae na lotou atolasio loa kia Paale mo Akelase.