Tetelonome 16:16 - Tosi Tapu

¹⁶ E tua tolu loa i le fetuu, e ano loa a tagata fuli o lou kakai ki mua o le Eteleno, lou Atua, i le ganea leia e filifili loa e ia : i le aso o pane sala fakatupu, i le aso o le Penikosite, mo le aso o tapenakulo. Ke aua na ano loa ki mua o le Eteleno mo lima ata.

Tetelonome 16:16 Iomraidhean Croise

Uluaki tosi o Sau 9:25

Na momoli loa e Salomone o tua tolu i le fetuu ni failaulau mo ni sakilifisio fakafetai i le aletale leia na fakatuu e ia ki le Eteleno, ti na susunu loa e ia mo ni kaloni i le aletale leia na tuu i mua o le Eteleno. Ti na fakaoki loa e Salomone le fale.

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esetalasi 3:1

I le masina fitu, ko fanau a Iselaele, ala kua nonofo loa i olatou kolo, na loto tasi fuli loa ke fakatasi ki Selusalemi.

Neemia 8:15

ti e tonu ke fai le logologo lena i olatou kolo fuli ti mo Selusalemi, o pati : Kotou ano o afa mai mei le mauga ni taulu oliveto, mo ni taulu oliveto vao, mo ni taulu mila, mo ni taulu palemie, mo ni taulu lau laakau laulau, ke fakatuu ai ni fale pola ofaipe le nea leia e tuu i le tosi.

Pesalemo 122:4

Ko lena le ganea e pale ki ai a faasiga, a faasiga a le Eteleno, O mulimuli ki le lao o Iselaele, O fakafetai ki le suafa o le Eteleno.

Pesalemo 84:7

Ka lotou ano i le toafa o Paka, E lotou fakaliliu a ia ko se ganea e apele i matapuna vai, Ti e fakaapele foki a ia e le ua ki ni tapuakina.

Pesalemo 84:8

E asilisili lasi lolatou makeke i le lolotoga o le saele, Ti e lotou tutuu loa i mua o le Atua i Sione.

Pesalemo 96:8

Kotou tuku ki le Eteleno le kololia o tupu ko lona suafa ! Kotou ave ni moliga, ti kotou ulu ki ona lotoa !

Ekesote 34:20

E ke totogi loa ki se akeno le uluaki o le asino ; ti kapau e leaise ke totogi a ia, e ke fatii loa lona ua. E ke totogi loa a uluaki fuli o ou vosa ; ti e leaise au loa ki oku mua mo lima ata.

Ekesote 34:24

Talie e kau kapu loa a puleaga i ou mua, ti e kau fakalasi loa lou fenua ; ti e leaise manumanu loa se tasi ki lou fenua, i le temi leia e ke pale ai loa ki mua o le Eteleno, lou Atua, o tua tolu i le fetuu.

Esaia 23:18

Kae e fakatapu loa ona koloa mo lona totogi kelekele ki le Eteleno. E leaise toe tanaki loa latou, pe taupau loa latou ke tologa, Talie e fakaaoga loa lona totogi kia latou ala e nonofo i mua o le Eteleno Ke totogi ai ni nea kai malilie ti mo ni kofu fulumalilie.

Esaia 33:20

Tio ki Sione, le kolo o otatou aso lalasi ! E tio loa ou mata ki Selusalemi, nofoaga fimalie, Falela leia e leaise toe siki loa, Leia e leaise toe too loa ona pou i se aso, Ti e leaise toe tatala loa ona maea.

Esekiele 36:38

I aso lalasi, na apele Selusalemi i manu o sakilifisio, ala ko ni kau manu katoa. E toe apele tatau loa okoutou kolo ala na maumaui ko tagata. Ti e lotou iloa loa ko au ko le Eteleno.

Levitiko 23:34

Masau ki fanau a Iselaele, o pati kia latou : ko le aso kau agafulu o le masina fitu leinei, ko le aso lasi loa a ia o fale pola ki le Eteleno, i aso e fitu.

Akeseo 1:9

Na kotou amanaki ki se nea lasi, Kae ko leinei e kotou maua se ganea ikiiki fua ; Na kotou fakaulu a ia ki okoutou fale, kae na kau pusii a ia. Kolea lona tupuaga ? e pati le Eteleno o kau tau. O tupu ko loku fale, leia kua maumau, Kae kua kotou feoso le tagata ki lona fale.

Mateo 2:11

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.

Maleko 12:3

Ti na lotou too loa a ia, o sasa, ti na lotou kakau loa a ia ke ano ata.

Soane 7:2

Kae kua ofi le aso lasi o le kau Sutea, ko le aso o Tapenakulo.

Tetelonome 16:15

E ke fai loa le aso lena ki le Eteleno, lou Atua, i aso e fitu, i le ganea leia e filifili loa e le Eteleno ; talie e tapuaki loa kiate koe le Eteleno, lou Atua, i au fuata fuli mo gaoi fuli o ou lima, ti e ke fiafia maoki loa.

Tetelonome 16:17

E tasi soli loa e le tagata le nea leia e mafai loa e ia, o mulimuli ki le tapuakina leia e tuku loa kiate ia e le Eteleno, lou Atua.

Tetelonome 31:11

i le aso leia e ano ai loa Iselaele katoa ki mua o le Eteleno, lou Atua, i le ganea leia e filifili loa e ia, e ke lau loa le lao leinei i mua o Iselaele katoa, o tupu ke lotou logo ki ai.

Uluaki tosi a Samuele 1:3

I fetuu fuli, na pale Elekana mei lona kolo ki Silo, o atolasio ki le Eteleno o kau tau ti mo momoli kiate ia ni sakilifisio. I ai na nonofo ai a vosa e toka lua o Eli, ko Ofeni mo Finesi, ko tagata faisakilifisio a le Eteleno.

Uluaki tosi a Samuele 6:3

Na lotou tali loa : Kapau e kotou toe fakaliliu le aleka o le Atua o Iselaele, aua na kotou toe fakaliliu ata loa a ia, kae ke kotou fai ki le Atua se sakilifisio o tupu ko le agasala ; ti e kotou mauli loa i okoutou masaki, ti e kotou iloa ai loa pe kolea na leaise sau ai lona lima ia koutou.