Tetelonome 16:14 - Tosi Tapu

¹⁴ E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.

Tetelonome 16:14 Iomraidhean Croise

Esitele 9:22

ofaipe ni aso ala na malolo ai le kau Sutea i olatou fili, ke lotou fakamanatu le masina leia na fetogi ai lolatou mamae ki le fiafia, lolatou tagi ki se aso malie, ke lotou fai ki aso ana ni aso kai mo fakafiafia, ti ke lotou fai ni nea alofa ia latou mo ni nea alofa ki le kau mativa.

Ekelesiasi 9:7

Koia, ano a koe i lou ala, kai lau pane i le fiafia, ti inu lau vino i le fimalie ; talie talu mei fualoa kua fakamaoki e le Atua au gaoi.

Esaia 30:29

E kotou sua loa ofaipe le po leia e fai ai se lafeti, E fiafia loa okoutou loto ofaipe leia e saele kae ta ukalele, O ano ki le mauga o le Eteleno, ki le utu o Iselaele.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Soele 1:16

Pe leaise kua too le nea kai i otatou mata ? Pe leaise kua puli le fiafia mo le nekenekea i le fale o lotatou Atua ?

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 14:29

Ti e au loa le Levi, leia e leaise maua ia se vaega mo se tofiga mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i ou matapa, ti e lotou kai loa ti e lotou makokona loa, o tupu ke tapuaki loa kiate koe le Eteleno, lou Atua, i gaoi fuli ala e fai loa e ou lima.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:15

E ke fai loa le aso lena ki le Eteleno, lou Atua, i aso e fitu, i le ganea leia e filifili loa e le Eteleno ; talie e tapuaki loa kiate koe le Eteleno, lou Atua, i au fuata fuli mo gaoi fuli o ou lima, ti e ke fiafia maoki loa.

Tetelonome 26:11

Ti oki, ti ke fakafiafia loa mo le Levi, mo le matapule leia e nofo i loto malie o ou, ki nea malilie fuli ala na soli loa kiate koe mo lou famili e le Eteleno, lou Atua.

Uluaki tosi ki le kau Tesalonika 5:16

Kotou fiafia tuumau.