Tetelonome 16:10 - Tosi Tapu

¹⁰ Ti e ke fai loa le aso o le Penikosite ki le Eteleno, lou Atua, ti e ke fai loa ni moliga alofa, o fakafuafua ki le lasi o nea malilie ala na tuku atu kiate koe e le Eteleno, lou Atua.

Tetelonome 16:10 Iomraidhean Croise

Uluaki tosi o Koloniko 29:14

Talie ko ai au ti ko ai loku kakai, ke mafai ai lamatou momoli atu kiate koe a nea alofa anei ? E au nea fuli meiate koe, ti e motou tali mei lou lima a nea fuli ala e motou momoli atu kiate koe.

Lua tosi o Koloniko 31:14

Ko le Levi ko Kole, vosa o Simena, tagata leo matapa o le potu esite, na pule ki nea alofa ala na soli fakaalofa ki le Atua, ti na tufa ia a moliga maokioki mo moliga maokioki lasi.

Ekesote 35:29

Ko fanau fuli a Iselaele, tagata mo fafine, ala na loto malie ke kau ki le gaoi leia na fakatotonu e le Eteleno kia Moisese, na ave ia loa ki le Eteleno ni moliga o fakalogo ki le loto.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Soele 2:14

Ko ai e iloa ia pe leaise toe tafoki loa a ia ti e fakasemala loa a ia, Pe leaise tuku loa e ia le tapuakina i ona muli ? Ti e feala loa ke kotou momoli ni failaulau mo ni lipasio ki le Eteleno, lokoutou Atua.

Levitiko 12:8

Ti kapau e leaise maua e ia se nea leia ke totogi ai se akeno, e too loa e ia ni kulukulu e lua pe ko ni lupe muli e lua, ko se tasi ki le failaulau, ti ko se tasi ki le sakilifisio o le fakamolemole. E fai loa e le tagata faisakilifisio kiate ia le fakamalie, ti e mea loa a ia.

Levitiko 23:15

E kotou lau loa ni vasaa katoa e fitu mei le apogipogi o le sapato leia na kotou fakatapui ai le uluaki fuiga fulumeto.

Levitiko 25:26

Ti kapau e leaise maua loa e se tagata se tasi o lona famili ke toe totogi ia lona kele, kae maua loa e ia le paaga ke toe totogi ai e ia totonu lona kele,

Levitiko 5:7

Ti kapau e leaise maua loa e le tagata se nea leia ke totogi ai se manu ikiiki, pe ko se ovi fafine pe ko se koti fafine, ti e momoli loa e ia ki le Eteleno ki le agasala leia kua visia ai a ia ni kulukulu e lua pe ko ni lupe muli e lua ; e momoli loa e ia se tasi a manu ki le agasala, ti ko le tasi a manu ki le failaulau.

Numelo 28:26

Ko le aso o uluaki fua, leia e kotou ave ai loa se moliga ki le Eteleno, i magiti o le taukai foou, e kotou fai loa se fakatasi tapu, ti e leaise kotou fai loa se gaoi fakamalama.

Numelo 31:28

I le vaega o latou ala na kau i le tau, e ke too loa se vaega, leia ko se tukusau ki le Eteleno : e too loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti.

Numelo 31:37

o too loa i ai ki le Eteleno a ovi mo koti e kau lelau ono kau fitu tupu lima (675) ;

Uluaki tosi ki le kau Kolinto 16:2

I le uluaki aso o le vasaa, kotou tasi tuku kese i okoutou kaiga, le nea leia e kotou tasi mafai ia, o mulimuli ki lona mou koloa, o tupu ke aua na talitali ki laku kaku atu ke tanaki ai a nea alofa.

Lua tosi ki le kau Kolinto 8:10

Koia e kau tuku atu kia koutou se manatu i le nea lena : e malie kia koutou, ke kotou soko atu le nea leia kua kotou kamata ia i le fetuu kua sili. Talie ko koutou ala na uluaki fai ia le gaoi lena, ti na uluaki loto malie ki lona fai.

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:9

E ke lau loa ni vasaa e fitu ; ka kamata teki loa le sele tuuti fulumeto ki le fulumeto, e ke lau loa ni vasaa e fitu mei ai.