Tetelonome 15:3 - Tosi Tapu

³ E feala loa ke ke fakamakeke ki le matapule ke ui atu kiate koe lona maua ; kae e ke fakafiti loa ki lau nea leia koi nofo mo lou taina.

Tetelonome 15:3 Iomraidhean Croise

Ekesote 22:25

Kapau e ke tuku loa se maua paaga ki le tagata mativa leia e nofo mo koe, leia e kau ki loku kakai, e leaise tonu ke ke faipe se tagata matapule, e leaise tonu ke ke tuku kiate ia se tupu o le paaga.

Soane 8:35

Ti e leaise nofo tuumau le tagata popula i le fale ; kae e nofo tuumau le Vosa i ai.

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Tetelonome 15:2

Ti ko leinei loa le fai o le lao lena : Ka fakasa loa le fetuu o le soloi o maua ki le Eteleno, ko latou fuli ala na soli ia se maua paaga ki lona oloi e fakafiti loa ke toe ui ake kia latou le maua lena ; e leaise ke fakamakeke loa lou taina, pe ko lou oloi ofi, ke ui atu kiate koe lona maua.

Tetelonome 23:20

E feala loa ke ke too se tupu i le matapule, kae ke aua na ke too loa se tupu i lou taina, o tupu ke tapuaki le Eteleno, lou Atua, kiate koe i au gaoi fuli i le fenua leia e ke ulu loa ki ai o maua tofiga.

Tetelonome 23:21

Kapau e ke fai loa se fakapapau ki le Eteleno, lou Atua, ti ke aua na ke tuvai loa i lona fai ; talie e afa atu loa e le Eteleno, lou Atua, a ia kiate koe, ti e ke maua ia loa se agasala.