Tetelonome 15:10 - Tosi Tapu

¹⁰ E ke fai loa se alofa kiate ia, ti e ke fai loa a ia i se loto malie ; talie e tapuaki loa le Eteleno, lou Atua kiate koe, o tupu ko le nea lena, i gaoi fuli mo nea fuli ala e fafa loa ki ai ou lima.

Tetelonome 15:10 Iomraidhean Croise

Taagapati 22:9

E manuia loa le tagata manava alofa, Talie e vaevae e ia lana pane mo le mativa.

Ekelesiasi 11:1

Ti lau pane ki le fuga o le vai, talie e ke toe maua loa a ia ki le temi ;

Esaia 32:8

Kae ko leia e agamalie e fai ia ni fakakaukau malilie, Ti e kataki a ia i ana fakakaukau malilie.

Esaia 58:10

Ti kapau e ke soli le pane leia e ke kai ki leia e fia kai, Kapau e ke fakamakeke le loto e mamae, E sopo ake loa lou malama i le fakapouli, Ti e fai loa ou fakapouli pe le lalatea.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Gaoi 20:35

Ti na kau fakasa kia koutou i nea fuli ana, e tonu ke kotou gaoi fenaaki, o tokoi ki le kau mativa, ti mo manatui a folafola a le Aliki, leia na pati totonu : E manuia lasi ake le soli i le tali.

Loma 12:8

ko leia e fakamakeke ke pipiki a ia ki le fakamakeke ; ko leia e soli ke fai e ia mo le loto malie ; ko leia e takitaki ke fai e ia mo le loto katoa ; ti ko leia e alofa ki le kau mativa ke fai e ia mo le loto fiafia.

Tetelonome 14:19

Ke kelekele loa kia koutou a ga manu liliki fuli ala e totolo ti e lele : ke aua na kotou kai loa latou.

Tetelonome 14:29

Ti e au loa le Levi, leia e leaise maua ia se vaega mo se tofiga mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i ou matapa, ti e lotou kai loa ti e lotou makokona loa, o tupu ke tapuaki loa kiate koe le Eteleno, lou Atua, i gaoi fuli ala e fai loa e ou lima.

Tetelonome 15:18

Ke aua na ke fakasemala loa i le kakau o lau tagata fakasausau ke mavae lauatea mei lou kaiga, talie na gaoi a ia kiate koe i fetuu e ono, ko le tua lua a ia o le totogi o le tagata gaoi totogi ; ti e tapuaki loa kiate koe le Eteleno, lou Atua, i nea fuli ala e ke fai loa.

Tetelonome 15:4

Koleia, e leaise maua loa se mativa iate koe, talie e fakaapele loa a koe e le Eteleno, lou Atua, ki nea malilie i le fenua leia e soli atu loa e ia ke ke maua tofiga,

Tetelonome 23:20

E feala loa ke ke too se tupu i le matapule, kae ke aua na ke too loa se tupu i lou taina, o tupu ke tapuaki le Eteleno, lou Atua, kiate koe i au gaoi fuli i le fenua leia e ke ulu loa ki ai o maua tofiga.

Tetelonome 24:19

Ka ke fai loa le tanaki o le fulumeto o lou faisaga, ti ka galo loa iate koe se fuiga fulumeto i le faisaga, ke aua na ke toe liliu loa ki muli o too a ia : E ke tuku loa a ia ki le matapule, mo le fanau leia e sala tamana, mo le fafine leia e sala avaga, o tupu ke tapuaki kiate koe le Eteleno, lou Atua, i gaoi fuli o ou lima.

Tetelonome 28:8

E kakau loa e le Eteleno le tapuakina ke nofo mo koe i ou fata mo au gaoi. E tapuaki loa a ia kiate koe i le fenua leia e soli atu loa kiate koe e le Eteleno, lou Atua.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !