Tetelonome 13:5 - Tosi Tapu

⁵ Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 13:5 Iomraidhean Croise

Uluaki tosi o Sau 13:19

Na toe liliu loa le tagata a le Atua mo ia ki lona fale, ti na kai loa e ia se pane mo inu se vai.

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Lua tosi o Koloniko 34:31

Na tuu loa le sau i lona tuuaga ti na fai loa e ia se sai i mua o le Eteleno, o fakapapau a ia ke mulimuli i le Eteleno ti mo tausi ana fakatotonu, mo ana pelesepeto, mo ana lao, i lona loto katoa mo lona laumalie katoa, o tupu ke fai ai a folafola o le sai, ala e tuu i le tosi.

Selemia 14:15

Koia e pati ai le Eteleno Ki polofeta ala e faikikite i loku suafa, Kae na leaise kau kakau latou, Ala e pati : E leaise soko loa i le fenua nei se seleta mo se oge : E mamate loa le kau polofeta lena i le seleta mo le oge.

Selemia 29:32

Ko leinei le nea leia e fakasa e le Eteleno : E kau tautea loa Semaesa, le tagata Neselami, mo lona sakoga ; e leaise nofo loa se tasi o lona sakoga i loto malie o le kakai lena, ti e leaise tio loa a ia ki le malie leia e kau fai loa ki loku kakai, e pati le Eteleno ; talie ko ana masau ko se agatuu ki le Eteleno.

Selemia 50:6

Ko loku kakai ko se kau ovi leia na puli noa ; Na fakasese latou e olatou tausi ovi, o taki latou i mauga ; Na lotou ano mei mauga lalasi ki mauga liliki, Kae galo lolatou lotoa.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Sakalia 13:3

Kapau e kikite loa se tasi, E pati loa kiate ia lona tamana mo lona tinana, ala na fanaui ia a ia : E leaise ke mauli loa, talie e ke fakasa ia ni loi i le suafa o le Eteleno ! Ti e sukii loa a ia e lona tamana mo lona tinana ala na fanaui ia a ia Mo ka kikite loa a ia.

Gaoi 13:8

Kae na fakafesagai loa kia laua a Elimase, le tagata fai nea fakatemonio, talie ko le uiga lena o lona igoa, ti na faiga loa a ia ke aua na tafoki le kovana.

Uluaki tosi ki le kau Kolinto 5:13

Kia latou ala i tafa, e fakamaaui latou e le Atua. Kotou too meia koutou le tagata agasala lena.

Tetelonome 13:10

ke ke tuki fatui loa a ia ke mate, talie na faiga a ia ke ke mavae mei le Eteleno, lou Atua, leia na fakamavae ia a koe mei le fenua o Esipito, mei le fale o le popula.

Tetelonome 13:15

Ti kapau e ke maua loa kua fai maoki le nea lena i loto malie o ou, ke ke tamate loa ki le seleta le kakai katoa o le kolo lena mo manu fuli, ti ke maumaui loa le kolo mo nea fuli ala e maua i ai.

Tetelonome 13:9

Kae ke ke tamate loa a ia : e uluaki siki loa lou lima, o tamate a ia, ti o siki loa le lima o le kakai katoa ;

Tetelonome 17:5

ti ke aumai loa ki ou matapa le tagata lena pe ko le fafine lena, leia e fai ia loa le nea veli a ia, ti ke tuki fatui loa a ia pe ke tautea loa a ia ki le mate.

Tetelonome 17:7

E uluaki siki loa kiate ia le lima o tagata fakamaoki o tamate a ia, ti o muli atu loa le lima o le kakai katoa. E ke too loa i ai le veli i loto malie o Iselaele.

Tetelonome 18:20

Kae kapau e matasoka loa se polofeta o fakasa ia i loku suafa se folafola leia na leaise kau fakatotonu kiate ia ke fakasa, pe masau loa a ia i le suafa o ni atua kese, e tamate loa le polofeta lena.

Tetelonome 19:19

ti e kotou fai loa kiate ia le nea leia na loto a ia ke fai ki lona taina. E ke too loa i ai le veli i loto malie o Iselaele.

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tetelonome 22:24

ke kotou ave loa laua toka lua ki le matapa o le kolo, ti ke kotou tuki fatui loa laua. E la mamate loa, le taine o tupu na leaise kalaga a ia i le kolo, mo le tagata o tupu na fakamakeke e ia le feauaki o lona oloi. E ke sau loa i ai le veli i loto malie o Iselaele.

Tetelonome 24:7

Kapau e maua loa se tagata leia na kaia ia se tasi i ona fetaina, se tasi o fanau totonu a Iselaele, leia na fakaliliu e ia lona taina ko se tagata popula pe na fakatau ia a ia, e tautea loa le tagata lena ki le mate. E ke too loa i ai le veli i loto malie o Iselaele.

Tetelonome 26:14

Na leaise kau kai loa se potu o le vaega kau agafulu i le temi leia na kau nofo ai i le putu, na leaise kau too loa se nea i ai o fakaaoga ki se nea kelekele, ti na leaise kau soli loa i ai se nea o uiga mo se mate ; na kau fakalogo loa ki le leo o le Eteleno, loku Atua, ti na kau fai loa o mulimuli ki lao fuli ala na ke tuku mai kiate au.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Tetelonome 7:4

talie e lotou fakamaliu ia loa ou vosa meiate au, o lotou tausi loa ki ni atua kese, ti e mu loa le sausau o le Eteleno kia koutou : Ti e maumaui loa e ia koutou fakafokifa.

Sosue 23:8

Kae ke kotou pipiki ki le Eteleno toka tasi, lokoutou Atua, ofaipe lakotou fai o kaku mai ki le aso nei.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Tuifakamaau 20:13

Kotou tuku mai kia matou i le aso nei latou ala na fai ia le nea lena, a tagata veli o Kipea, ke motou tamate latou ti ke motou fakapuli ai le veli i loto malie o Iselaele. Kae na leaise fia logo loa a vosa o Pesamino ki le leo o olatou fetaina, fanau a Iselaele.

Uluaki tosi a Samuele 12:14

Kapau e kotou fakaapaapa ki le Eteleno, kapau e kotou tausi kiate ia, kapau e kotou fakalogo ki lona leo, ti kapau e leaise kotou fakatutuu loa ki le folafola a le Eteleno, ti e kotou pipiki loa ki le Eteleno, lokotou Atua, a koutou mo le sau leia e lagiaki kia koutou.