Tetelonome 13:4 - Tosi Tapu

⁴ Ke kotou mulimuli loa i le Eteleno, lokoutou Atua, ti ke kotou i loa kiate ia ; ke kotou tausi loa ana folafola, ke kotou fakalogo loa ki lona leo, ke kotou tausi loa kiate ia, ti ke kotou pipiki loa kiate ia.

Tetelonome 13:4 Iomraidhean Croise

Lua tosi o Sau 23:3

Na tuu le sau i le ganea taualuga, ti na fai loa e ia se sai i mua o le Eteleno, ke mulimuli i le Eteleno, ke tausi ki ana fakatotonu mo ana pelesepeto mo ana lao i lona loto katoa mo lona laumalie katoa, ke fai a folafola fuli o le sai lena, ala kua tosi i le tosi lena. Ti na fakamaoki loa le kakai katoa ki le sai.

Lua tosi o Koloniko 34:31

Na tuu loa le sau i lona tuuaga ti na fai loa e ia se sai i mua o le Eteleno, o fakapapau a ia ke mulimuli i le Eteleno ti mo tausi ana fakatotonu, mo ana pelesepeto, mo ana lao, i lona loto katoa mo lona laumalie katoa, o tupu ke fai ai a folafola o le sai, ala e tuu i le tosi.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Uluaki tosi ki le kau Kolinto 6:17

Kae ko leia e pipiki ki le Aliki e liliu a ia mo ia ko se laumalie e tasi.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Tetelonome 6:5

Ke ke alofa loa ki le Eteleno, lou Atua, i lou loto katoa, mo lou laumalie katoa, mo lou makeke katoa.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Lua tosi a Soane 1:6

Ti ko le alofa ko le saele o mulimuli ki ana fakatotonu. Ko lena le fakatotonu leia e tonu ke kotou saele ai, ofaipe lakoutou ako a ia talu mei le kamataaga.

Uluaki tosi a Samuele 7:3

Na pati loa Samuele ki le fale katoa o Iselaele : Kapau kua kotou toe liliu i lokoutou loto katoa ki le Eteleno, ke kotou too i lotomalie o koutou a atua kese mo fakatata o Asetalate, ti ke pipiki okoutou loto ki le Eteleno, o tausi kiate ia toka tasi ; ti e saofaki loa e ia koutou i le lima o le kau Filisitini.