Tetelonome 11:17 - Tosi Tapu

¹⁷ E tupu loa i ai le sausau o le Eteleno kia koutou ; e tapono loa e ia le lagi, ti e leaise toe to loa se ua ; e leaise toe soli loa e le kele ona fua, ti e kotou mamate vave loa i le fenua malie leia e soli atu loa kia koutou e le Eteleno.

Tetelonome 11:17 Iomraidhean Croise

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 8:35

Kapau e tapono loa le lagi, ti e leaise toe to loa se ua, o tupu ko alatou agasala kiate koe, kapau e lotou faikole loa i le ganea leinei mo fakavikiviki ki lou suafa, ti kapau e lotou tafoki loa mei alatou agasala, talie na ke tautea loa latou,

Lua tosi o Koloniko 6:26

Ka mapono loa le lagi ti e leaise toe to loa se ua, o tupu ko alatou agasala kiate au, kapau e lotou faikole loa i le ganea leinei ti e lotou su loa ki lou suafa, ti kapau e lotou tiaki loa alatou agasala, talie na ke tautea loa latou,

Lua tosi o Koloniko 7:13

Ka kau tapono loa le lagi ke aua na toe to loa se ua, ka kau fakatotonu loa ki seseivaka ke maumaui le fenua, ka kau fakato loa le taumasaki ki loku kakai,

Sopo 12:15

Ka taofi e ia a vai, ti e malo nea fuli ; Kae ka tuku e ia latou, ti e lotou maumaui le kele.

Levitiko 26:19

E kau fatii loa lokoutou loto lasi : e kau fakaliliu loa le lagi i okoutou aluga ke fefeka ofaipe le ukamea, ti e leaise toe to loa se ua ki okoutou kele, ala e fefeka loa ofaipe le sila.

Levitiko 26:20

E maumau noa loa okoutou makeke, kae e leai sona fua : e leaise soli loa e le kele ona magiti, ti e leaise soli loa e laakau olatou fua.

Amosi 4:7

Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ; Na kau fakato le ua ki se kolo, Kae na leaise kau fakato a ia ki se tasi ake a kolo ; Na tali e se faisaga le ua, Kae na leaise to a ia ki se tasi faisaga, leia na malo.

Tetelonome 31:20

Talie e kau fakaulu loa le kakai leinei ki le fenua leia na kau fakapapau ki olatou tamana ke soli kia latou, le fenua leia e sali ai le sua manu mo le meli. E kai loa le kakai leinei, ti e makona loa a ia, ti e peti loa a ia ; ti e maliu loa a ia ki ni atua kese o atolasio kia latou, kae e vesia loa a ia kiate au, ti e maumaui loa e ia laku sai.

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Tetelonome 6:15

Talie ko le Eteleno, lou Atua, ko se Atua finenonofo a ia i loto malie o ou. Talie e mu loa le sausau o le Eteleno kiate koe, ti e maumaui loa e ia a koe i aluga o le kele.

Tetelonome 9:19

Talie na kau i ai i laku tio ki le sausau leia kua nofo mo le Eteleno kia koutou, talie kua loto a ia ke maumaui e ia koutou. Kae na toe tali loa e le Eteleno laku tagi i le faiaga lena.