Tetelonome 10:19 - Tosi Tapu

¹⁹ Koia, ke kotou toe alofa loa ki le matapule, talie na kotou matapule i le fenua o Esipito.

Tetelonome 10:19 Iomraidhean Croise

Ekesote 22:21

Aua na ke fai fakaveliveli loa le matapule, pe ke fakagaoi fakamakeke loa a ia ; talie na kotou matapule i le fenua o Esipito.

Esekiele 47:22

E kotou vaevae loa a ia ko lokoutou tofiga o mulimuli ki le toso, kia koutou mo matapule ala e nonofo i loto malie o koutou, ala e maua ia loa ni alatou fanau i loto malie o koutou ; e kotou tio loa kia latou ofaipe ni kakai totonu o le fenua o fanau o Iselaele ; e lotou vaevae loa mo koutou le tofiga o mulimuli ki le toso, i loto malie o faasiga o Iselaele.

Esekiele 47:23

E kotou soli loa ki le matapule lona tofiga i le faasiga leia e nofo ai loa a ia, e pati le Aliki, le Eteleno.

Luka 17:18

Pe gato fai ki le matapule leinei kua toe liliu mai o fakakololia ki le Atua ?

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Kalate 6:10

Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Tetelonome 23:7

Ke aua na ke vesia loa ki le Etome, talie ko lou taina ; ke aua na ke vesia loa ki le Esipito, talie na ke nofo matapule i lona fenua :

Tetelonome 23:8

Ko vosa ala e tupu loa kia laua i le tolu o tautupu e ulu loa ki le fakatasi a le Eteleno.