Tetelonome 1:5 - Tosi Tapu

⁵ I le fetuu esite o le Solotane, i le fenua o Moape, na kamata loa e Moisese le ako o le lao a le Atua ki fanau a Iselaele, o pati :

Tetelonome 1:5 Iomraidhean Croise

Tetelonome 1:4

Na fai loa le nea lena i le oki o le malo a Moisese ia Sioni, sau o le kau Amole, leia na nofo i Eseponi, mo Oki, sau o Pasani, leia na nofo i Asetaloti mo Etelei.

Tetelonome 1:6

Na masau mai le Eteleno, lotatou Atua, kia tatou i Olepe, o pati : Kua feauga lakotou nofo i le mauga leinei.

Tetelonome 31:9

Na tosi loa e Moisese le lao lena, o tuku ki le kau tagata faisakilifisio, vosa o Levi, ala na amo ia le aleka o le sai a le Eteleno, mo le kau fakamatuatua o Iselaele.

Tetelonome 32:46

Na pati loa a ia kia latou : ke kotou too fakamalotoloto a folafola fuli anei e kau fakapapau atu kia koutou i le aso nei, ti ke kotou fakatotonu latou ki okoutou fanau, o tupu ke lotou tausi latou mo fai latou.

Tetelonome 4:44

Ko leinei le lao leia na tuku e Moisese ki mua o fanau a Iselaele.

Tetelonome 4:46

Na fai loa le nea lena i le fetuu esite o le Solotane, i le vaivailiua, i mua o Pete-Peoli, i le fenua o Sioni, sau o le kau Amole, leia na nofo i Eseponi ti na tamate e Moisese mo fanau a Iselaele.

Tetelonome 4:8

Ti ko ai le puleaga lasi leia e maua ia ni lao mo ni lekula faitotonu, o tatau mo le lao katoa leinei e kau tuku atu kia koutou i le aso nei ?