Tetelonome 1:16 - Tosi Tapu

¹⁶ Na kau tuku loa, i le temi lena, le fakatotonu leinei ki okoutou tui fakamaau : ke kotou fakalogo ki okoutou fetaina, ti ke kotou fakamaaui i le faitotonu a visi a le tagata mo lona taina pe ko se tagata matapule.

Tetelonome 1:16 Iomraidhean Croise

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Lua tosi a Samuele 23:3

Na masau le Atua o Iselaele, Na pati mai kiate au le utu o Iselaele : Ko leia e pule ki le kakai i le faitotonu, Ko leia e pule i le fakaapaapa ki le Atua,

Pesalemo 58:1

Ki le pule o le kau sua. Aua na ke maumaui. Pesalemo a Tavite.

Ekesote 22:21

Aua na ke fai fakaveliveli loa le matapule, pe ke fakagaoi fakamakeke loa a ia ; talie na kotou matapule i le fenua o Esipito.

Taagapati 31:9

Masau lou gutu, fakamaau i le faitotonu, O puipui le mativa mo le fakaaloalofa.

Levitiko 19:15

Aua na ke fai loa se tonu sala i au fakamaau : aua na ke tio loa ki le mativa o se tagata, ti aua na ke tio loa ki le mauiga o se tagata, kae e ke fakamaaui loa lou oloi o mulimuli ki le lao totonu.

Levitiko 24:22

E kotou maua loa le lao e tasi ki le tagata matapule mo le tagata totonu o le fenua ; talie ko au ko le Eteleno, ko lokoutou Atua.

Numelo 27:19

E ke fakatuu loa a ia ki mua o le tagata faisakilifisio ko Eleasale mo le kakai katoa, ti ke fakanofo loa a ia ko lou fetogi i olatou mua.

Soane 7:24

Aua na kotou fakamaaui o mulimuli ki le nea leia e sa i tafa, kae kotou fakamaaui o mulimuli ki le faitotonu.

Tetelonome 1:15

Ti na kau too loa latou ala na pule ki okoutou faasiga, ko ni tagata poto, mo iloa, ti na kau fakanofo loa latou ke pule kia koutou, ko iki ki tino afe, ko iki ki tino lelau, ko iki ki tino lima, ti ko iki ki tino agafulu, ti na kau tuku loa ki iki ke leoleo ki okoutou faasiga.

Tetelonome 24:14

Ke aua na ke pule fakaveliveli ki lau tagata gaoi, o tupu ko lona mativa mo lona fakaaloalofa, tatau pe ko lou taina pe ko se matapule leia e nofo mo koe i lou fenua.

Tetelonome 25:1

Ka fefele loa ni tagata, ti na la ano loa ki mua o le fakamaau ke fakamaaui laua e le tui fakamaau, e fakamatatonu loa leia e mea, kae fakatuaa loa leia e sala.

Tetelonome 27:11

I le aso foki lena, na tuku loa e Moisese le fakatotonu leinei ki le kakai :

Tetelonome 31:14

Na pati loa le Eteleno kia Moisese : ko leinei kua ofi loa le aso leia e ke mate ai loa. Ke ke kalagai loa Sosue, ti kolua ano loa o tuu i le falela tapu. Na ano loa Moisese mo Sosue o tuu i le falela tapu.

Uluaki tosi ki le kau Tesalonika 2:11

Ti e kotou toe iloa foki na motou fai kia koutou taki toka tasi pe se tamana ki ana fanau,

Uluaki tosi kia Timoteo 5:21

E kau kole mamae atu kiate koe i mua o le Atua, i mua o Sesu-Kilisito, ti mo mua o le kau aselo filifiliia, ke ke tokaga ki nea fuli ana, o sala fakapalatasi ti mo sala fia mata malie.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.