Tetelonome 1:11 - Tosi Tapu

¹¹ Ke alofa le Eteleno, le Atua o okoutou tamana, o fakaapi koutou ke liuga tua afe ti mo tapuakii koutou o mulimuli ki lana fakapapau !

Tetelonome 1:11 Iomraidhean Croise

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 49:25

Ko le gaoi a ia a le Atua o lou tamana, leia e tokoi loa kiate koe ; Ko le gaoi a ia a le Mafimafi, leia e tapuaki loa kiate koe, Ki tapuakina o le lagi i aluga, Ki tapuakina o le vai i lalo, Ki tapuakina o u mo manava o fafine.

Lua tosi a Samuele 24:3

Na pati loa Soape ki le sau : Ke liuliuga e le Eteleno, lou Atua, le kakai o tua kau lelau, ti ke tio ki ai a mata o le sau, loku aliki ! Kae kolea kua loto ai le sau, loku aliki, ke fai le nea lena ?

Uluaki tosi o Koloniko 21:3

Na tali loa Soape : Ke fakaliliu e le Eteleno lona kakai ke toe api ake o tua kau lelau ! Ei sau loku aliki, pe leaise ko tagata fakasausau latou fuli a loku aliki ? Kae kolea e kole ai e loku aliki le nea leinei ? Kolea e fai fenaaki ai ke agasala ai Iselaele ?

Pesalemo 115:14

E liuliuga loa e le Eteleno ona kalasia kia koutou, Kia koutou mo akoutou fanau.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Esekiele 16:7

Na kau liuliuga a koe o tua kau agafulu afe, ofaipe le mutie o faisaga. Ti na ke tuputupua, ti na ke liliu o lasi, ti na ke liliu o fulumalie saosaoa ; na tutupu ou u, ti na sosomo lou lau ulu. Kae na ke telefua, io, na ke telefua katoa.

Numelo 22:12

Na pati loa le Atua kia Palaame : Ke aua na ke ano loa mo latou ; ke aua na ke tuku ia loa se malaia ki le kakai lena, talie kua kau tapuakii le kakai lena.

Numelo 6:27

E lotou teki fenaaki loa loku suafa ki fanau a Iselaele, ti e kau tapuaki loa kia latou.

Tetelonome 1:10

Kua fakaliuliuga koutou e le Eteleno, lokoutou Atua, ti kua kotou api i le aso nei o tatau mo fetuu o le lagi.

Tetelonome 1:12

Pe feaki loa laku amo ia, e au toka tasi, lokoutou tausi, mo lokoutou kavega, mo akoutou fakavisi ?

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.

Tetelonome 28:62

I le oki o lou toka api o tatau mo fetuu o le lagi, e kotou toe loa ko se ga toka teiki fua, o tupu na leaise ke fakalogo loa ki le leo o le Eteleno, lou Atua.