Tetelonome 1:1 - Tosi Tapu

¹ Ko nei folafola ala na tuku loa e Moisese ki Iselaele katoa i le fetuu esite o le Solotane, i le toafa o Alapa, i mua o Sufi, i le vasa o Palani, mo Tofele, mo Lapane, mo Aseloti, mo Ti-Sasapi.

Tetelonome 1:1 Iomraidhean Croise

Senesi 21:21

Na nofo loa Isemaele i le toafa o Palani, ti na ano loa lona tinana o afa ake sona avaga i le fenua o Esipito.

Uluaki tosi o Sau 11:18

Na lotou mavae loa mei Matiane, o ano ki le toafa o Palani, ti na lotou too loa ni kau tagata o Palani, o ano mo latou ki Esipito ki le sau ko Falaone. Na soli loa e Falaone se fale kia Atate, mo tokaga loa ki lona mauli, ti na soli loa e ia kiate ia ni kele.

Apakuki 3:3

E au le Atua mei Temane, E au le Sagato mei le mauga o Palani… Manava. E fakaapele e lona agai le atu lagi, Ti e fakaapele e lona kololia le kele.

Numelo 10:12

Ti na mavae loa fanau a Iselaele i le toafa o Sinai, o mulimuli ki le fakatotonu leia kua fakatuutuu e le Eteleno ki lalatou fanoga. Na tuu loa le ao i le toafa o Palani.

Numelo 11:35

Ti na mavae loa le kakai i Kipiloti-Ataava o ano ki Aseloti ; ti na lotou nonofo loa i Aseloti.

Numelo 12:16

I le oki o le nea lena, na mavae loa le kakai i Aseloti, o nofo i le toafa o Palani.

Numelo 13:26

I lalatou kaku ake, na lotou ano loa kia Moisese, mo Alone, mo le kakai katoa o Iselaele, i Katesi i le toafa o Palani. Ti na lotou fakamatala loa kia latou a nea fuli ala na lotou tio ki ai, ti na lotou fakatio loa latou ki fua o le fenua.

Numelo 13:3

Na kakau loa latou e Moisese mei le toafa o Palani, o mulimuli ki le fakatotonu a le Eteleno : ko tagata fuli ana ko ni pule o fanau a Iselaele.

Numelo 32:19

Ti e leaise motou maua loa se tofiga mo latou i leia kauvai o le Solotane, pe mamao atu foki, talie kua motou maua lomatou tofiga i leinei kauvai o le Solotane i le potu esite.

Numelo 32:32

E motou too loa amatou masafu ti e motou fakalaka loa i mua o le Eteleno, o ano ki le fenua o Kanaane. Kae ke motou maua lomatou tofiga i le fetuu leinei o le Solotane.

Numelo 32:5

Ti na lotou toe pati loa kia Moisese : Kapau kua motou maua se kalasia i ou mata, tuku ke maua e au tagata fakasausau le fenua leinei, ti aua na ke tuku matou ke fakalaka i le Solotane.

Numelo 33:20

Na lotou mavae loa i Limoni-Pelesi, ti na lotou nonofo loa i Lipina.

Numelo 33:21

Na lotou mavae loa i Lipina, ti na lotou nonofo loa i Lisa.

Numelo 34:15

E tuu le vaega o faasiga ana e lua mo le vaelua i mua o Seliko, i le kauvai esite o le Solotane.

Numelo 35:14

E kotou soli loa ni kolo e ono i le fetuu esite o le Solotane, ti e kotou soli loa ni kolo e ono i le fenua o Kanaane : Ko kolo ulufaga loa ana.

Tetelonome 2:8

Na leaise tou fakalaka loa i le fenua o Seili, leia e nonofo ai otatou fetaina, vosa o Esau. Na leai foki se tou fakalaka i Alapa, mo Elati, mo Etesoni-Kepele. Ti na tou maliu loa o too le ala leia e ano ki le toafa o Moape.

Tetelonome 27:1

Na tuku loa e Moisese mo le kau fakamatuatua o Iselaele le fakatotonu leinei ki le kakai : ke kotou tausi a folafola fuli ala e kau tuku atu kia koutou i le aso nei.

Tetelonome 29:1

Ko nei a folafola o le sai leia na fakatotonu e le Eteleno kia Moisese ke fai mo fanau a Iselaele i le fenua o Moape, kae kese fai le sai leia na fai e ia mo latou i Olepe.

Tetelonome 31:1

Na toe tuku loa e Moisese a folafola anei ki Iselaele katoa :

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Tetelonome 4:46

Na fai loa le nea lena i le fetuu esite o le Solotane, i le vaivailiua, i mua o Pete-Peoli, i le fenua o Sioni, sau o le kau Amole, leia na nofo i Eseponi ti na tamate e Moisese mo fanau a Iselaele.

Tetelonome 5:1

Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Sosue 22:4

I le aso nei kua soli ai e le Eteleno, lokoutou Atua, le malolo ki okoutou fetaina, o fai ki le nea leia na pati a ia kia latou, kotou toe liliu la o ano ki okoutou falela, i le fenua leia kua kotou maua, leia na soli atu kia koutou e Moisese, tagata fakasausau a le Eteleno i le fetuu esite o le Solotane.

Sosue 22:7

Na soli e Moisese ki se tasi vaelua o le faasiga o Manase se tofiga i Pasani, i le fetuu esite o le Solotane, ti na soli loa e Sosue ki leia ake vaelua se tofiga i le fetuu uesite o le Solotane, i tafa o ona fetaina. I le temi leia na kakau ai loa latou e Sosue ke toe liliu ki olatou falela, na tapuaki loa a ia kia latou,

Sosue 3:16

na tuu loa a vai ala na tafe mei mua, o tanaki pe se kaua i se ganea leia na mamao meia latou i mua, i Atama, kolo leia e tuu i tafa o Salatani ; ti na masa katoa loa le vai leia na tafe ki le tai Mate. Na fakalaka loa le kakai i le Solotane i mua o Seliko.

Sosue 9:1

I le logo ki nea ana, ko sau fuli ala na nonofo i le fetuu esite o le Solotane, mo le mauga, mo le potu taulalo, mo fenua fuli o le mata tai o le tai lasi, o kaku ki Lipane, le kau Eti, mo le kau Amole, mo le kau Kanaane, mo le kau Pelesi, mo le kau Evi, ti mo le kau Sepusi,

Sosue 9:10

ti mo le nea na fai e ia ki sau e lua o le kau Amole ala na nonofo i le fetuu esite o le Solotane : Sioni, sau o Eseponi, mo Oki, sau o Pasani leia na nofo i Asetaloti.

Uluaki tosi a Samuele 25:1

Na mate loa Samuele. Na fakatasi loa Iselaele katoa, o tagi kiate ia, ti na lotou tanu loa a ia i lona fale i Lama. Ti na tuu ake loa Tavite, o ifo ki le toafa o Palani.