Taniela 9:5 - Tosi Tapu

⁵ Kua motou agasala, kua motou fai le agaveli, kua motou agatuu mo patigataa, ti kua motou tiaki au fakatotonu mo au lao.

Taniela 9:5 Iomraidhean Croise

Lua tosi o Sau 18:12

o tupu na leaise lotou fakalogo ki le leo o le Eteleno, lolatou Atua, ti na lotou maumaui lana sai, na leaise lotou fakalogo mo tausi ki nea fuli ala na fakatotonu e Moisese, le tagata fakasausau a le Eteleno.

Lua tosi o Sau 21:15

o tupu na lotou fai le nea leia e veli ki oku mata, ti na lotou fakatupu ia loku itaita, mei le aso leia na mavae ai olatou tamana mei Esipito o kaku mai ki le aso nei.

Esetalasi 9:6

ti na kau pati : Ei loku Atua, e kau nofo i le mafaia ti e kau luma, ei loku Atua, i le tio kiate koe ; talie kua fakalaka amatou agaveli i omatou ulu, ti kua kaku amatou agasala ki le lagi.

Pesalemo 106:6

Na motou agasala ofaipe omatou tamana, Na motou fai le agaveli, ti na motou fai le veli.

Pesalemo 119:102

E leaise kau mamao i au lao, Talie ko koe leia e ako ia au.

Pesalemo 119:176

E kau sese ofaipe se ovi na puli : afa lau tagata fakasausau, Talie e leaise galo fua au folafola iate au.

Pesalemo 18:21

Na totogi e le Eteleno kiate au o mulimuli ki loku agatonu, Ti na liufaki e ia kiate au o mulimuli ki le mea o oku lima ;

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Selemia 14:20

Eteleno, e motou fakamaoki ki lomatou agaveli, mo le agasala o omatou tamana ; Talie na motou agasala kiate koe.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 44:3

O tupu ko le agaveli leia na lotou fai ke tupu ai loku sausau, o lotou ano o momoli le iseso ti mo tausi ki ni atua kese ala na leaise lotou iloa, e koutou, mo okoutou tamana.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Tagi laulau a Selemia 1:20

Eteleno, tio mai ki loku mamae ! kua pula oku tootooga, Kua mafuli loku mafu iate au, Talie na kau agatuu lasi kiate koe. I fafo e fai e le seleta ana maumau, i loto ko le mate.

Tagi laulau a Selemia 3:42

Na motou agasala, ti na motou agatuu ! Na leaise ke fakamolemole !

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Taniela 9:11

Kua maumaui e Iselaele katoa lau lao, ti kua lotou mafuli kese talie ke aua na lotou fakalogo ki lou leo. Koia kua liligi ai kia matou a malaia ala na tosi i le lao a Moisese, le tagata fakasausau a le Atua, talie kua motou agasala ki le Atua.

Taniela 9:15

I le aso nei, Aliki ko lomatou Atua, a koe leia na fakamavae ia lou kakai mei le fenua o Esipito ki lou lima makeke, a koe leia na logologona talu mei ai o kaku mai ki le aso nei, kua motou agasala, kua motou fai le nea leia e veli.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Malakia 3:7

Talu mei le temi o okoutou tamana, na kotou mavae i aku fakatotonu, Na leaise kotou tausi latou. Kotou toe liliu mai kiate au, ti e kau toe liliu mai loa kia koutou, E pati le Eteleno o kau tau. Kae kotou pati : Kolea le nea leia e tonu ke motou toe liliu mai ai ?

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.