Taniela 9:24 - Tosi Tapu

²⁴ Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Taniela 9:24 Iomraidhean Croise

Lua tosi o Koloniko 29:24

Na tamate loa latou e le kau tagata faisakilifisio ti na lotou liligi loa le toto ki le vae o le aletale ke fakamolemole ai a agasala a Iselaele katoa ; talie na fakatotonu e le sau ke fai le failaulau mo sakilifisio fakamolemole o agasala ki Iselaele katoa.

Pesalemo 2:6

Ko au leia na pani lolo ia loku sau, I Sione, loku mauga maokioki !

Pesalemo 45:7

Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Esaia 51:8

Talie e kai loa latou e ilo ofaipe se kofu, Ti e kai loa latou e ugogo ofaipe le fului ovi. Kae e tuu loa laku faitotonu o lee gato, Ti e mafola loa laku fakamauli i tautupu ki tautupu.

Esaia 56:1

Ko leinei le folafola a le Eteleno : Kotou tausi le nea leia e maoki, Kotou fai le nea leia e totonu ; Talie e leaise tuvai loa le au o laku fakamauli Ti mo le fakasa o laku faitotonu.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Tagi laulau a Selemia 4:22

Taine o Sione, kua fakamolemole lau agaveli ; E leaise toe ave loa e ia a koe ki le popula. Taine o Etome, e tautea loa e ia lau agaveli, E fakasa loa e ia au agasala.

Esekiele 28:12

Vosa o le tagata, Fai se tagi laulau ki le sau o Tile ! E ke pati loa kiate ia : E folafola le Aliki, le Eteleno, o pati : Na ke liliu ko se paaki totonu o le malie tukupau, Na ke apele i le poto, na ke malie tukupau i le fulumalie.

Esekiele 4:5

E kau lau loa kiate koe ni aso o fakatatau ki le lasi o fetuu o lalatou agaveli, ko ni aso e kau lelau tolu kau iva ; e ke amo loa i ai le agaveli o le fale o Iselaele.

Esekiele 4:6

Ka oki loa a aso ana, ti e ke moe loa ki le fetuu atamai, ti e ke amo loa le agaveli o le fale o Suta i aso e kau fa ; e kau fakamaua kiate koe se aso e tasi ki le fetuu e tasi.

Levitiko 25:8

E ke lau loa ni fetuu sapato e fitu, o liuga fitu a fetuu e fitu, ko lona katoa ko fetuu e kau fa tupu iva.

Levitiko 8:15

Ti na tamate loa e Moisese le pipi tagata, ti na too loa e ia le toto, o pooi ki ai a tala o le aletale ki lona maikao, ke fakamea ai a ia ; ti na liligi loa e ia le toe o le toto ki le vae o le aletale. Ko lena le nea leia na fai loa e ia ke fakatapui ai le aletale, o tupu ke feala ai lona fakaaoga ki le fai o sakilifisio fakamolemole o agasala.

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Numelo 14:34

Na kotou tioi le fenua i aso e kau fa, e kotou amo loa le mamae o akoutou agaveli i fetuu e kau fa, ko le fetuu e tasi ki le aso e tasi. Ti e kotou iloa ai loa le veli o le agatuu kiate au.

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Mateo 11:13

Talie na masau le kau polofeta fuli mo le lao ki le puleaga o kaku mai kia Soane ;

Mateo 4:5

Na ave loa a ia e le Tiapolo ki le kolo tapu, o fakanofo i aluga o le fale tapu,

Maleko 1:24

Kolea e ke loto kia matou, Sesu mei Nasaleti ? Pe na ke au o maumaui matou ? E kau iloa pe ko ai a koe : Ko le Sagato a koe o le Atua.

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Soane 1:41

Ko ia foki leia na uluaki felavei mo lona taina ko Simone, ti na pati loa kiate ia : Kua ma maua le Mesia (ko lona uiga, ko le Kilisito).

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Gaoi 3:14

Kae ko koutou, na kotou fakafiti ki le Maokioki mo le Agatonu, ti na kotou kole ke fakamauli atu kia koutou se tagata tukipo.

Gaoi 3:22

Na pati Moisese : Ko le Aliki lokoutou Atua e fakanofo ia loa mei okoutou fetaina se polofeta kia koutou ofaipe au ; e kotou fakalogo loa kiate ia i nea fuli ala e fakasa atu loa e ia kia koutou,

Gaoi 4:26

Kua malaga ki aluga a sau o le malama nei, Ti kua fakatasi a pule Oagatuu ki le Aliki mo lona Kilisito.

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Kolose 2:14

Ti kua soloi e ia le tosi lima leia na tuu ai a nea fuli ala na tuku kia tatou, ti na taofi kia tatou ; ti kua fakapuli e ia a ia, o tutuki a ia ki le koluse ;

Epelo 10:14

Talie, i se failaulau e tasi, na ave e ia ki le malie tukupau o lee gato latou ala kua fakamaokioki.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Epelo 9:26

talie kapau koia ti na tonu loa ke mamae tua mauke Kilisito talu mei le kamataaga o le malama nei. Kae i le temi nei, i le fakaoki o sekulo, na sa a ia o tua tasi ke maumaui ai le agasala ki lona sakilifisio.

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Apokalipisi 14:6

Ti na kau tio loa ki se tasi ake aselo leia na lele i loto malie o le lagi ; na maua e ia se Evaselio eteleno, ke fakasa kia latou fuli ala na nonofo i le malama nei, ki puleaga fuli, mo faasiga fuli, mo masau fuli, ti mo kakai fuli.

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :