Taniela 9:16 - Tosi Tapu

¹⁶ Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Taniela 9:16 Iomraidhean Croise

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Pesalemo 143:1

Pesalemo a Tavite. Eteleno, fakalogo mai ki laku kole, tokaga mai lou taliga ki aku tagi ! Tali mai kiate au i lou agatonu, i lou faitotonu !

Pesalemo 31:1

Ki le pule o le kau sua. Pesalemo a Tavite.

Pesalemo 41:13

Na ke fakamakeke au o tupu ko loku agatonu, Ti na ke fakanofo au i lou agaiaga o lee gato.

Pesalemo 71:2

Fakamauli au i lou faitotonu, ti saofaki au ! Tuku mai lou taliga kiate au, ti ke saofaki au !

Pesalemo 79:4

Kua motou liliu ko se nea fakalialia kia latou ala i omatou tafatafa, Ko se nea gologolo mo katai kia latou ala e takatakai ia matou.

Pesalemo 85:4

Kua ke too lou sausau katoa, ti kua ke tafoki mei le ulaula o lou sausau.

Pesalemo 89:51

Aliki, manatui le luma o au tagata fakasausau ! Manatui e kau amo i loku fatafata a nukinuki a kakai toka api fuli ;

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 24:9

E kau fakaliliu loa latou ko se nea fakaii mo se nea fakatupu lauveli ki puleaga fuli o le malama nei, ko se nea fakalumaluma, mo se nea fakagologolo, mo se nea fakakata, ti mo se nea fakatupu malaia i ganea fuli ala e kau kapu loa latou ki ai.

Selemia 29:18

E kau tuli loa latou ki le seleta, mo le oge, mo le taumasaki, ti e kau fakaliliu loa latou ko se nea fakaii ki puleaga fuli o le kele, mo se nea fakamalaia, mo se nea fakaaloalofa, mo se nea fakagologolo, mo se nea fakalumaluma i puleaga fuli ala e kau kapu loa latou ki ai,

Selemia 32:31

Talie kua fakatupu e le kolo leinei loku sausau mo loku mafaia, Talu mei le aso leia na laga ai a ia o kaku mai ki le aso nei ; Koia e kau loto ai ke too le kolo leinei i oku mua,

Selemia 32:32

O tupu ko le veli katoa leia na fai e fanau o Iselaele mo fanau o Suta, Ke kau itaita ai, Latou, mo olatou sau, mo olatou pule, mo olatou kau tagata faisakilifisio ti mo olatou kau polofeta, Mo tagata o Suta ti mo le kakai o Selusalemi.

Esekiele 22:4

Kua ke agasala, o tupu ko le toto leia na ke liligi, ti kua ke kelekele, o tupu ko taulaatua ala na ke fai ! Kua ke fakaofi mai, e koe totonu, le aso o lou maumaui, ti kua lau ou aso. Koia e kau tuku loa a koe ki gologolo a kakai matapule, ti e ke liliu loa ko le nea katai a puleaga fuli.

Esekiele 5:14

E kau fakaliliu loa a koe ko se toafa, ko se nea fakalumaluma ki puleaga ala e nonofo i lou takatakai, mo latou fuli ala e fakalaka i ou tafa.

Taniela 11:45

E fakatuu loa e ia ona falela fakasau i le vasa o le tai mo le mauga tapu o le fenua manuia. Ti e kaku loa a ia ki lona fakaoki, kae e leaise tokoi fua se tasi kiate ia.

Taniela 9:20

Na kau toe masau, na kau faikole, ti na kau kofesio aku agasala mo agasala o loku kakai ko Iselaele, ti na kau fai aku tagi ki le Eteleno, loku Atua, o uiga mo le mauga maokioki o loku Atua ;

Soele 3:17

Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Uluaki tosi a Samuele 2:7

E fakamativa ti e fakamoukoloa e le Eteleno, E tuku e ia ki lalo ti e siki e ia ki aluga.