Taniela 9:13 - Tosi Tapu

¹³ Ofaipe lona tosi i le lao a Moisese, kua au a malaia fuli kia matou ; ti na leaise motou kalaga ki le Eteleno, lomatou Atua, ti na leaise motou tafoki mei amatou agatuu, ti na leaise motou tokaga ki le maoki.

Taniela 9:13 Iomraidhean Croise

Lua tosi o Sau 22:16

Ko leinei le folafola a le Eteleno : E kau aumai loa le malaia ki le ganea leinei mo lona kakai, o mulimuli ki folafola fuli o le tosi leia na lau e le sau o Suta.

Sopo 36:13

E itaita le kau malualoi ki le Atua, Kae e leaise lotou tagi kiate ia mo ka sai latou e ia ki ni tini.

Pesalemo 119:18

Fakamavaa oku mata, o tupu ke kau tio Ki nea fulumalilie o lau lao !

Pesalemo 119:27

Tuku ke kau matala ki le uiga o au fakatotonu, Ti e kau metitasio loa ki au nea malilie !

Pesalemo 119:73

Ko ou lima na fakatupu ia au, na lotou fau au ; Soli mai kiate au le atamai, o tupu ke kau ako au folafola !

Pesalemo 85:4

Kua ke too lou sausau katoa, ti kua ke tafoki mei le ulaula o lou sausau.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 42:9

Ko leinei, kua soko a uluaki nea, Ti e kau fakasa atu kia koutou ni nea foou ; E kau fakasa fakatomua atu latou kia koutou, kae e leikiaise lotou soko.

Esaia 43:22

Kae na leaise ke fetapa mai kiate au, ei Sakopo ! Talie na ke kaekae iate au, ei Iselaele !

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Selemia 2:30

Na ano noa laku taai akoutou fanau ; Na leaise lotou tokaga fua ki le akonaki. Na kai e lakoutou seleta akoutou kau polofeta, Ofaipe se laione maumau.

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Selemia 31:18

E kau logo ki le tagi laulau a Efalaimi : Na ke tautea au, ti na tautea au Ofaipe se uviki pipi leia na leaise ako ke lalata ; Fai ke kau toe liliu, ti e kau toe liliu loa, Talie ko koe ko le Eteleno, loku Atua.

Selemia 44:23

E tupu kua kotou tutu le iseso ti kua kotou agasala ki le Eteleno, talie na leaise kotou fakalogo ki le leo o le Eteleno, ti na leaise kotou taupau lana lao, mo ana fakatotonu, mo ana pelesepeto, koia leia kua soko ai a malaia ana kia koutou, ofaipe le nea kua kotou tio ki ai i le aso nei.

Selemia 44:27

Ko leinei, e kau tokaga loa ke fai kia latou le veli kae leai le malie ; ti e mamate loa a tagata fuli o Suta i le fenua o Esipito i le seleta, mo le oge, o kaku ki le fakamulimuli.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Tagi laulau a Selemia 5:21

Fai ke motou toe liliu mai kiate koe, ei Eteleno, ti e motou toe liliu mai loa ! Toe soli mai kia matou ni aso ofaipe la o le temi mua !

Esekiele 16:43

O tupu na leaise ke manatui lou temi ikiiki, o tupu na ke fakatupu ia loku ita ki nea fuli ana, ko leinei, e kau fakavilo loa lau faiaga ki lou ulu, e pati le Aliki, le Eteleno, ti e leaise ke toe fai loa le agaveli mo au nea fakalialia fuli.

Taniela 9:11

Kua maumaui e Iselaele katoa lau lao, ti kua lotou mafuli kese talie ke aua na lotou fakalogo ki lou leo. Koia kua liligi ai kia matou a malaia ala na tosi i le lao a Moisese, le tagata fakasausau a le Atua, talie kua motou agasala ki le Atua.

Oseo 7:10

E fakamaoki le fia nealasi o Iselaele kiate ia ; E leaise lotou toe liliu mai ki le Eteleno, lolatou Atua, Ti e leaise lotou afa a ia, logo ai a nea fuli ana.

Oseo 7:14

E leaise lotou tagi kiate au i lolatou loto, Kae e lotou lauga i lolatou moeaga ; E lotou fakatasi ke maua se fulumeto mo se vino, Ti e lotou fakamamao iate au.

Oseo 7:7

E lotou kaka fuli ofaipe se gutuumu : Ti e lotou kai olatou tui fakamaau ; E vivilo olatou sau fuli : E leaise tasi fua o latou e kalaga kiate au.

Luka 24:45

Ti na fakamavaa loa e ia olatou atamai, ke lotou matala ki le Tositapu.

Soane 10:35

Kapau na fakaigoa e ia ko atua latou ala na fakasa ki ai le folafola a le Atua, ti kapau e leaise feala ke puli le folafola,

Soane 6:45

E tuu i le tosi a le kau polofeta : E ako loa latou fuli e le Atua. Koia ko leia e logo ki le Tamana, ti e tali ia lana akonaki, e au kiate au.

Soane 8:32

ti e kotou iloa loa le maoki, ti e fakalauatea loa koutou e le maoki.

Efeso 4:21

mo kapau foki kua kotou logo kiate ia, ti mo kapau foki kua akoi koutou iate ia, o mulimuli ki le maoki leia e maua ia Sesu.

Tetelonome 29:4

Kae, o kaku mai ki le aso leinei, na leaise tuku e le Eteleno kia koutou se loto ke matala, mo ni mata ke tio, mo ni taliga ke logo.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.