Taniela 8:9 - Tosi Tapu

⁹ Mei se tasi o tala ana, na somo ake loa se ga tala ikiiki, leia na tupu ake loa o lasi ki le saute, mo le esite, mo le fenua o le manuia.

Taniela 8:9 Iomraidhean Croise

Pesalemo 105:24

Na fakaliliu loa e le Atua lona kakai ke fanaunau, Ti ke makeke ake i ona fili.

Pesalemo 48:2

E lasi le Eteleno, ti e malie ke fakavikiviki kiate ia I le kolo o lotatou Atua, i lona mauga maokioki.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Esekiele 20:15

I le toafa, na kau siki loa loku lima kia latou, o tupu ke aua na taki latou ki le fenua leia na kau fakatuutuu kia latou, fenua leia e tafe ai le sua manu mo le meli, fenua fulumalie kese i fenua fuli,

Esekiele 20:6

I le aso lena, na kau siki loku lima kia latou, o fakamavae latou i le fenua ko Esipito ki se fenua leia na kau aga o afa kia latou, fenua e tafe ai le sua manu mo le meli, fenua fulumalie kese i fenua fuli.

Taniela 11:16

E tau loa le sau o le noleto kiate ia, ti e fai loa e ia le nea leia e loto a ia ki ai, ti e leaise tuu loa se tasi i ona mua ; e nofo loa a ia i le fenua manuia, o tamate a nea fuli ala e vilo ki lona lima.

Taniela 11:21

E too loa lona tuulaga e se tagata noa, kae na leaise kau a ia ki le tuulaga fakasau. E sa loa a ia i loto malie o le tokamalie, o too le puleaga ki ni puleaki kaka.

Taniela 7:8

Na kau tokaga loa ki tala, ti ko leinei na somo ake loa se ga tala ikiiki i loto malie o tala, ti na mataaki loa a tala e tolu o uluaki tala i mua o le ga tala lena. Ti ko leinei, na maua loa e le tala foou lena ni ona mata ofaipe se tagata, ti mo se gutu leia na masau matasoka.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.