Taniela 8:4 - Tosi Tapu

⁴ Na kau tio loa ki le ovi tagata leia na ta ia ona tala ki le uesite, mo le noleto, ti mo le saute ; na leaise mafai e se manu e tasi ke tuu i ona mua, ti na leaise mafai e se tasi ke saofaki ia mei ona lima ; kae na fai e ia ki lona loto, ti na liliu loa a ia o makeke.

Taniela 8:4 Iomraidhean Croise

Uluaki tosi o Sau 22:11

Na fai e Setesiasi, vosa o Kenaana, ni tala ukamea kiate ia, ti na pati loa a ia : Ko leinei le folafola a le Eteleno : E ke taai loa ki tala anei le kau Silia, ti e ke maumaui loa latou.

Sopo 10:7

Kae e ke iloa malie e leaise kau lakasala, Ti e leaise tasi e mafai ke saofaki ia au mei lou lima ?

Pesalemo 44:5

Ei Atua ! ko koe ko loku sau : Ke ke fakatotonu le fakamauli o Sakopo !

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Pesalemo 7:2

Eteleno, loku Atua, e kau afa iate koe loku mumuniaga, Saofaki au ia latou fuli ala e fakaveliveli mai kiate au, ti mo fakamauli au,

Esekiele 34:21

Talie na kotou aga o tule ki okoutou fetuu mo okoutou vae mua, ti na kotou aga o soka ki okoutou tala, a ovi gaegae, o kaku ki lakotou aga o kapu latou i le kau manu,

Taniela 11:16

E tau loa le sau o le noleto kiate ia, ti e fai loa e ia le nea leia e loto a ia ki ai, ti e leaise tuu loa se tasi i ona mua ; e nofo loa a ia i le fenua manuia, o tamate a nea fuli ala e vilo ki lona lima.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 5:19

O tupu ko le mauiga leia na tuku e le Atua Taualuga kiate ia, na i fuli a kakai, mo puleaga, mo tagata mei faasiga masau kesekese i ona mua. Na fakatotonu e le sau ke tamate latou ala e loto a ia ki ai, ti na tuku e ia le mauli kia latou ala na loto a ia ki ai ; na siki e ia ki aluga latou ala na loto a ia ki ai ; ti na tuku e ia ki lalo latou ala na loto a ia ki ai.

Taniela 5:30

I le po fai lena, na tamate loa Pelesatesale, sau o le kau Kaletea.

Taniela 7:5

Ti ko leinei, na fai le lua manu pe se uluso, ti na nofo fakafetuu a ia ; na uuti e ia i lona gutu, ki ona nifo ni ivi vakavaka e tolu ; ti na pati kiate ia : Tuu ki aluga, kai fakalasi ni inati.

Taniela 8:7

Na kau tio loa kiate ia kua fakafeofi ki le ovi tagata, o itaita kiate ia ; na taai loa e ia le ovi tagata, o fatii ona tala e lua, kae na leaise maua loa e le ovi tagata se makeke ke tuu i ona mua. Na ti loa e ia le ovi tagata ki le kele, o takatakafi a ia, ti na leaise tasi ke saofaki ia a ia.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Tetelonome 33:17

E maua e ia le mamalu o lana pipi tagata leia na uluaki tupu ; Ko ona tala ko tala o le pipi vao, Ti e tamate loa e ia ki ai a puleaga fuli, O kaku ki potupotu o le kele : Ko miliate latou o Efalaimi, Ko tino afe latou o Manase.