Taniela 8:3 - Tosi Tapu

³ Na kau tagaki loa ti na kau tio, ti ko leinei na tuu se ovi tagata i mua o le vaitafe. Na maua e ia ni ona tala loloa, ti ko le tala leia na somo fakamuli ake na taualuga ake i la ake a tala.

Taniela 8:3 Iomraidhean Croise

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Esetalasi 4:5

ti na lotou totogi paaga loa ni kau tagata i le kau pule a le sau o Pelesi, ke lotou faigai ke tiaki le gaoi. Na lotou fai fenaaki loa i le mauli katoa o Silusi, sau o Pelesi, o kaku ki le sau a Taliusi, sau o Pelesi.

Esitele 1:3

I le fetuu tolu o lona sau, na fai loa e ia se kai lasi ki aliki fuli o lona puleaga ti mo ana tagata fakasausau ; ti na fakatasi loa a pule o le kau tau o Pelesi mo Meti, mo le kau lalasi ti mo le kau pule fenua fuli, ki ona mua.

Esaia 13:17

Ko leinei, e kau lagai loa kia latou le kau Meti, Ala e leaise tokaga fua ki le paaga, Ti e leaise manumanu fua ki le aulo.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Selemia 51:11

Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Taniela 10:5

Ti na tio loa oku mata ki aluga, ti na kau tio loa, ti ko leinei, na i ai se tagata kua teu ki se kofu tea, ti na nonoa i ona vakavaka se kilii pipi aulo mei Ufasi.

Taniela 2:39

I ou muli, e malaga ake loa ki aluga se tasi puleaga, leia e ikiiki ake i lou puleaga ; ti mo se tolu puleaga, leia e sila loa, ti e pule loa ki le malama nei katoa.

Taniela 5:31

Ti na too loa e Taliusi, tagata Mete, le puleaga, i lona fetuu kau ono tupu lua.

Taniela 6:28

Na tapuakina loa Taniela i le sau o Taliusi, ti mo le sau o Silusi, tagata Pelesi.

Taniela 7:5

Ti ko leinei, na fai le lua manu pe se uluso, ti na nofo fakafetuu a ia ; na uuti e ia i lona gutu, ki ona nifo ni ivi vakavaka e tolu ; ti na pati kiate ia : Tuu ki aluga, kai fakalasi ni inati.

Taniela 8:2

I laku moe miti lena, na sakinake kiate au e kau nofo i Suse, le kolo mua o le fenua ko Elame ; i laku moe na kau tio loa e kau tuu i le laugutu o le vaitafe ko Ulai.

Taniela 8:20

Ko le ovi tagata leia na ke tio ki ai, ti na maua ia ni tala, ko sau ana o le kau Meti mo le kau Pelesi.

Sakalia 1:18

Na tagaki loa oku mata, ti na kau tio, ti ko leinei, na i ai ni tala e fa.

Sakalia 2:1

Na tagaki loa oku mata, o tio, ti ko leinei, na i ai se tagata leia na too ia i lona lima se va fua.

Sakalia 5:1

Na kau toe siki ake loa oku mata, o tio : ko leinei, na i ai se takaiga tosi leia na lele.

Sakalia 5:5

Na fakafeofi mai loa kiate au le aselo leia na masau mai kiate au, o pati mai kiate au : Siki ou mata, o tio ki le nea leia e malaga mei leia.

Sakalia 5:9

Na siki ake loa oku mata, o tio : ko leinei, na sa mai loa ni fafine e toka lua ala na lele i le matagi. Talie na i ai ni ola kapakau ofaipe kapakau o le amatuku. Na la too loa le kulo o ave ki le vasa o le kele mo le lagi.

Sakalia 6:1

Na kau toe siki ake loa oku mata, o tio, ti ko leinei, na ulu loa ni saliote e fa mei le vasa o mauga e lua ; ti ko mauga ko ni mauga sila.

Numelo 24:2

Na siki ake loa a mata o Palaame, ti na tio loa a ia ki Iselaele leia kua nofo i faasiga. Ti na ifo loa le Laumalie o le Atua kiate ia.

Sosue 5:13

I le tuu a Sosue o feofi ki Seliko, na siki ake loa ona mata ki aluga ti na tio a ia ki se tagata leia na tuu i ona mua mo lana seleta kua kukumi i lona lima. Na fakafeofi ake loa Sosue kiate ia, o pati : Pe ke kau mo matou pe ke kau mo omatou fili ?

Apokalipisi 13:11

Ti na oki ai, na kau tio loa e pale ake i le kele malo se tasi ake a manu, leia na maua ia ni tala e lua ofaipe tala o se akeno, ti na masau a ia ofaipe se gata.

Apokalipisi 5:6

Ti na kau tio loa, i loto malie o le ekeekeaga fakasau, mo manu mauuli e fa, ti mo loto malie o le kau matua, ki se Akeno leia na nofo i ai o sakinake kua momoli i se sakilifisio. Na maua e ia ni tala e fitu ti mo ni mata e fitu, ala ko Laumalie e fitu o le Atua kua kakau i le malama nei katoa.