Taniela 8:21 - Tosi Tapu

²¹ Ko le koti tagata, ko le sau a ia o Sava. Ko le tala lasi i vasa o ona mata, ko le uluaki sau a ia.

Taniela 8:21 Iomraidhean Croise

Taniela 10:20

Na pati mai loa a ia kiate au : E ke iloa pe kolea le tupuaga o laku au kiate koe ? I le aso nei e kau toe liliu o taui le pule o Pelesi ; ti ka kau ano loa, e au loa le pule o Sava.

Taniela 11:2

I le aso nei, e kau fakasa kiate koe le maoki. Ko leinei, e toe maua loa ni sau e tolu i Pelesi. Ko le fa o sau e tanaki ia loa ni koloa o lasi ake ia latou fuli ala na muamua ; ti ka kaku loa a ia o makeke, o tupu ko ona koloa, e fai loa e ia a nea fuli ke taui ai le puleaga o Sava

Taniela 11:3

Kae e malaga loa se sau toe i Sava, leia e pule loa ki se puleaga lasi, ti e fai ia loa le nea leia e loto a ia ki ai.

Taniela 2:39

I ou muli, e malaga ake loa ki aluga se tasi puleaga, leia e ikiiki ake i lou puleaga ; ti mo se tolu puleaga, leia e sila loa, ti e pule loa ki le malama nei katoa.

Taniela 7:6

I le sili o le nea lena na kau tio loa, ti ko leinei na fai se tasi a manu pe se leopale, ti na tuu i lona tua ni kapakau e fa ofaipe se manu lele ; na maua e le manu lena ni fa ulu e fa, ti na soli kiate ia le pule.

Taniela 8:20

Ko le ovi tagata leia na ke tio ki ai, ti na maua ia ni tala, ko sau ana o le kau Meti mo le kau Pelesi.

Taniela 8:22

Ko tala e fa ala na malaga ake o fetogi le tala lasi lena kua fati, ko puleaga ana e fa ala e sosomo ake loa o fetogi le puleaga lena, kae e leaise lotou maua loa le makeke o le uluaki puleaga.

Sakalia 9:13

Talie e kau fakamakona loa a Suta ofaipe se kalolo, E kau fai loa ki Efalaimi laku gasau, Ti e kau lagai loa au fanau, ei Sione, Ki au fanau, ei Savani ! E kau fakaliliu loa a koe ofaipe le seleta a se tagata toa.