Taniela 8:18 - Tosi Tapu

¹⁸ I le lolotoga o lana masau mai kiate au, na kau fakapulou oku mata ki le kele, ofaipe se tasi kua mata fakapouli. Ti na fafa mai loa a ia kiate au, ti na fakatuu loa e ia au ki aluga i le ganea leia na kau nofo ai.

Taniela 8:18 Iomraidhean Croise

Senesi 15:12

I le galo o le laa, na kaku loa se fia moe lasi kia Apalamo ; ti ko leinei na vilo loa kiate ia se i lasi mo se fakapouli lasi.

Sopo 4:13

I le temi leia e gaoi ai le moe miti le fakakaukau, Mo ka kua tuku a tagata ki se moe loloto,

Esekiele 2:2

I lana masau mai kiate au, na ulu loa le Laumalie kiate au ti na fakatuu loa e ia au ki aluga ; ti na kau logo loa ki leia na masau mai kiate au.

Taniela 10:16

Ti ko leinei, ko se tasi leia na faipe se vosa o le tagata na fafa loa ki oku laugutu. Na fakamavaa loa e ia loku gutu, ti na kau masau loa, o pati ki leia na tuu i oku mua : Ei loku aliki, kua kau i lasi ai i le nea leia kua kau tio ki ai, ti kua puli loku makeke katoa.

Taniela 10:18

Ti ko leia na faipe se vosa o le tagata na toe fafa mai loa kiate au, ti na fakamakeke loa e ia au.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Taniela 8:27

Ko au Taniela, na kau gaegae veli ai ti na kau masaki loa i ni aso e mauke ; ti oki, na kau tuu loa ki aluga ti na kau tokaga loa ki gaoi a le sau. Na kau punamauli i le nea leia na kau tio ki ai, ti na leaise iloa a ia e se tasi.

Sakalia 4:1

Na toe au loa kiate au le aselo leia na masau mai kiate au, o fafagu au ofaipe se tagata leia na fafagu mei lana moe.

Luka 22:45

I le oki o lana faikole, na tuu loa a ia ki aluga, o au ki ana tisipulo, ala na maua mai loa e ia kua tulemomoe i le mamae,

Luka 9:32

Na mamafa ai a mata o Petelo mo ona kaukau nea i le fia momoe ; kae i lalatou alaala, na lotou tio loa ki le kololia o Sesu mo tagata e toka lua ala na tutuu mo ia.

Gaoi 26:6

Ti ko leinei, kua fakamaaui au talie e kau amanaki malie ki le fakapapau leia na fai e le Atua ki omatou tamana,

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !