Taniela 8:15 - Tosi Tapu

¹⁵ Ko au Taniela, na kau maua ia le tio lena, ti na kau afa ke kau matala ki ai, ti ko leinei, na tuu se tasi leia na faipe se tagata i oku mua.

Taniela 8:15 Iomraidhean Croise

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Taniela 10:16

Ti ko leinei, ko se tasi leia na faipe se vosa o le tagata na fafa loa ki oku laugutu. Na fakamavaa loa e ia loku gutu, ti na kau masau loa, o pati ki leia na tuu i oku mua : Ei loku aliki, kua kau i lasi ai i le nea leia kua kau tio ki ai, ti kua puli loku makeke katoa.

Taniela 10:18

Ti ko leia na faipe se vosa o le tagata na toe fafa mai loa kiate au, ti na fakamakeke loa e ia au.

Taniela 10:5

Ti na tio loa oku mata ki aluga, ti na kau tio loa, ti ko leinei, na i ai se tagata kua teu ki se kofu tea, ti na nonoa i ona vakavaka se kilii pipi aulo mei Ufasi.

Taniela 12:8

Na kau logo loa, kae na leaise kau matala loa ; ti na kau pati loa : Loku aliki, kolea loa le fakaoki o nea fuli ana ?

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Taniela 7:28

Na fakaoki loa i nea anei lana masau. Ko au Taniela, na kau sevaia lasi loa i aku fakakaukau, ti na faikese loa oku mata, ti na kau taupau loa a masau ana i loku loto.

Taniela 8:1

I le tolu o fetuu o le sau ko Pelesatesale, ko au Taniela, na fakatio loa au e le Atua ki se nea, leia na kese ake i nea ala na kau tio ki ai i mua atu.

Taniela 8:19

Ti na pati mai loa a ia kiate au : E kau fakasa atu loa kiate koe le nea leia ka soko loa i le oki o le sausau o le Atua, talie e i ai se temi leia kua fakamailoga ki le fakaoki.

Sakalia 1:9

Na kau pati : Ko ai ma a osi anei, ei loku aliki ? Ti na pati loa le aselo leia na masau mai kiate au : E kau fakatio loa a koe ki le mauiga o osi anei.

Mateo 13:36

Na kakau loa e ia le kakai, kae ulu loa a ia ki fale. Ti na fakafeofi ake loa ana tisipulo kiate ia, o pati : Fakamatala mai kia matou le folafola fakatata o le sisania i le faisaga.

Mateo 24:15

Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Mateo 24:30

Ti e sa mai loa le fakamailoga o le Vosa o le tagata i le lagi, ti e fetagisi loa a faasiga fuli o le malama nei, ti e lotou tio loa ki le Vosa o le tagata e au i ao o le lagi mo se makeke ti mo se kololia lasi.

Maleko 13:14

Ka kotou tio loa ki le tagata leia e igoa ko le Fakalialia o le veli, kua fakanofo i le ganea leia e leaise tonu ke nofo ai, ko leia e lautosi ke matala ! Ti ko latou ala e nonofo loa i Sutea ke fesolaki ki mauga ;

Maleko 4:12

o tupu ke lotou tio mata, kae aua na lotou iloa ; ke lotou logo taliga, kae aua na lotou matala, talie ke aua na lotou tafoki, ti ke aua na fakamolemole alatou agasala.

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?

Apokalipisi 1:13

ti i loto malie o tekiaga malama e fitu, na i ai se tasi leia na faipe se vosa o le tagata, kua kofu ki se kofu loloa, ti kua toi se kilii pipi aulo i lona fatafata.

Apokalipisi 13:18

Ko leinei le poto. Ke lau e leia e maua ia se atamai le numelo o le manu fekai. Talie ko se numelo a ia o le tagata, ti ko lona numelo ko kau lelau e ono kau ono tupu ono.