Taniela 8:1 - Tosi Tapu

¹ I le tolu o fetuu o le sau ko Pelesatesale, ko au Taniela, na fakatio loa au e le Atua ki se nea, leia na kese ake i nea ala na kau tio ki ai i mua atu.

Taniela 8:1 Iomraidhean Croise

Esekiele 1:1

I le kau tolu fetuu, i le aso lima o le masina fa, i laku nofo mo le kakai popula i le vaitafe o Kepale, na mavaa loa le lagi ti na kau tio loa ki ni nea fakaatua.

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 10:2

I le temi lena, ko au, Taniela, na kau nofo loa i le mamae i ni vasaa e tolu.

Taniela 10:7

Ko au Taniela, na kau tio toka tasi ki le nea lena, ti ko tagata ala na nonofo mo au na leaise tio ki ai, kae na lotou maua se i lasi, ti na lotou sosola loa o mumuni.

Taniela 11:4

Kae ka taualuga loa a ia, e maumaui loa lona puleaga, o mavetevete ki potu matagi e fa ; e leaise maua loa lona puleaga e ona sakoga, talie e vaevae loa lona puleaga e ni kakai kese ake, kae e leaise maua loa e puleaga ana le makeke leia na nofo mo ia.

Taniela 7:1

I le uluaki fetuu o Pelesatesale, sau o Papilone, na fai loa e Taniela se moe miti, ti na sa loa ni tio ki lona loto i lana moe i lona moeaga. Ti na tosi loa e ia le moe miti, ti na fakamatala loa e ia a nea tafito ala na tio a ia ki ai.

Taniela 7:15

Ko au Taniela, na sevaia loa loku loto, ti na fakaii loa kiate au a nea ala na kau tio ki ai i loku loto.

Taniela 7:28

Na fakaoki loa i nea anei lana masau. Ko au Taniela, na kau sevaia lasi loa i aku fakakaukau, ti na faikese loa oku mata, ti na kau taupau loa a masau ana i loku loto.

Taniela 8:15

Ko au Taniela, na kau maua ia le tio lena, ti na kau afa ke kau matala ki ai, ti ko leinei, na tuu se tasi leia na faipe se tagata i oku mua.

Taniela 8:2

I laku moe miti lena, na sakinake kiate au e kau nofo i Suse, le kolo mua o le fenua ko Elame ; i laku moe na kau tio loa e kau tuu i le laugutu o le vaitafe ko Ulai.

Taniela 9:2

i le uluaki fetuu o lana sau, ko au Taniela, na kau tio loa i tosi e tonu ke oki ni fetuu e kau fitu ki le maumaui o Selusalemi, o mulimuli ki le lasi o fetuu ala na fakasa e le Eteleno ki le polofeta ko Selemia.