Taniela 7:9 - Tosi Tapu

⁹ Na kau tio, ti ko leinei, na fakatuu ni ekeekeaga fakasau. Ti na ekeeke loa le Matua o aso. Na tea lona kofu ofaipe le nive, ti na fai ona fului ulu pe se fului ovi mea ; na fai lona ekeekeaga fakasau pe ni ulai afi, ti na fai a teka o le ekeekeaga pe se afi kaka.

Taniela 7:9 Iomraidhean Croise

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Lua tosi o Koloniko 18:18

Ti na pati loa Mikea : Koia ke tou fakalogo ai ki le folafola a le Eteleno ! Na kau tio ki le Eteleno e eke i lona ekeekeaga fakasau, ti ko le solia katoa o le lagi e tutuu i lona fetuu atamai mo lona fetuu sema.

Pesalemo 45:8

E ke alofa ki le faitotonu, kae e ke vesia ki le agaveli : Koia, ei Atua, ko lou Atua na takai ia a koe Ki se lolo o le fiafia, o lasi ake i ou kaukaunea.

Pesalemo 90:2

I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Pesalemo 93:2

Na fakatuu lou ekeekeaga fakasau talu mei temi mua ; E ke agai talu mei le lee gato mo lee gato.

Esaia 6:1

I le fetuu o le mate o le sau ko Osiasi, na kau tio ki le Aliki na eke i se ekeekeaga fakasau taualuga, ti na fakaapele e tapatapa o lona kofu le fale tapu.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 49:38

E kau fakatuu loa loku ekeekeaga fakasau i Elame, Ti e kau maumaui loa le sau mo pule, E pati le Eteleno.

Esekiele 1:26

I le lagi leia i aluga o olatou ulu, na i ai se nea leia na faipe le safile, ti na fai foki pe se ekeekeaga fakasau ; ti na sa i aluga o le nea lena na faipe se ekeekeaga fakasau se mata o se tagata leia na teki i ai.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Taniela 7:22

o kaku ki le lakaga leia na au ai loa le Matua o aso, o tuku le fakamaau totonu ki le kau sagato o le Taualuga. Ko le temi loa lena na tuku ai le puleaga ki le kau sagato.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Apakuki 1:12

Pe leaise ke agai mei lee gato, Eteleno, loku Atua, loku Sagato ? E leaise motou mamate loa ! Ei Eteleno, na ke fakanofo le kakai leinei ke fai ia au fakamaauaga ; Ei loku Utu, na ke lagai a ia ke tuku ia au tautea.

Mateo 17:2

Na fetogi loa a ia i olatou mua ; na gigila loa ona mata ofaipe le laa, ti na tetea loa ona kofu ofaipe le malama.

Mateo 28:3

Na fai ona mata pe se uila, ti na tea lona kofu ofaipe le nive.

Maleko 9:3

Na liliu loa ona kofu o gigila mo tetea, i se tea leia e leaise mafai ke fakatupu e se tasi i le malama nei.

Gaoi 2:30

Talie na polofeta a ia, ti na iloa e ia na fakapapau ake e le Atua kiate ia e fakaeke loa e ia se tasi i lona sakoga totonu ki lona ekeekeaga fakasau,

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Uluaki tosi a Soane 1:5

Ko leinei le logo leia na motou maua meiate ia, ti e motou fakasa atu kia koutou : ko le Atua ko le malama, ti e leaise maua iate ia se fakapouli.

Apokalipisi 1:14

Ko lona fa ulu ti mo ona fului ulu na tetea ofaipe le fului ovi tea, ofaipe le nive ; ko ona mata na faipe se ula o se afi ;

Apokalipisi 19:18

o tupu ke kotou kai le kanofi o sau, mo le kanofi o pule solia, mo le kanofi o le kau lalasi, mo le kanofi o osi ti mo latou ala e eke i ai, mo le kanofi o tagata fuli, lauatea mo popula, liliki mo lalasi.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Apokalipisi 4:2

Ti na fokifa, na too loa au e le Laumalie. Ti ko leinei, na i ai se ekeekeaga fakasau i Selo, ti na ekeeke se tasi i le ekeekeaga fakasau lena.