Taniela 7:8 - Tosi Tapu

⁸ Na kau tokaga loa ki tala, ti ko leinei na somo ake loa se ga tala ikiiki i loto malie o tala, ti na mataaki loa a tala e tolu o uluaki tala i mua o le ga tala lena. Ti ko leinei, na maua loa e le tala foou lena ni ona mata ofaipe se tagata, ti mo se gutu leia na masau matasoka.

Taniela 7:8 Iomraidhean Croise

Pesalemo 12:3

E feloiaki ala ki la, E maua i laugutu ni masau fakalapulapu, E masau i se loto fia nealasi.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 7:19

Ti na kau loto loa ke kau iloa le maoki o le uiga o le fa o manu, leia na kese i la ake a manu, ti na fakaii veli, ti na maua ia ni nifo ukamea mo ni matininia sila, le manu leia na kai, ti na gugu ia lana nea kai, ti na takatakafi ia ki ona vae le nea leia na toe ;

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Lua tosi kia Timoteo 3:2

Talie e alofa loa a tagata kia latou fuai, o kaukau nea mo le paaga, mo fia sa, mo laukau, mo fatituu, mo patigataa ki matua, mo lee fakafetai, mo lee tausi lotu,

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Suta 1:16

Ko ni kakai gugu latou mo lauga, ala e leaise fiafia fua i se nea, ala e saele o fakalogo ki olatou oli fakavale, ala e maua ia i olatou gutu ni masau fia nealasi, ala e vikiviki ki tagata o tupu ke lotou maua ai se nea.

Apokalipisi 13:1

Ti na kau tio loa e pale mei le tai se manu leia na maua ia ni tala e kau agafulu ti mo ni ulu e fitu, ti na teki i ona tala ni pala e kau agafulu, ti na tosi i ona ulu ni igoa lauveli ki le Atua.

Apokalipisi 9:7

Ti na tatau a seseivaka ana mo ni osi kua teuteui ki le tau ; ti na i ai se nea i olatou ulu na faipe se pala aulo, ti na fai olatou mata pe mata o tagata.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.