Taniela 7:7 - Tosi Tapu

⁷ I le oki o le nea lena na kau tio loa i le lolotoga o aku moe miti i le pouli, ti ko leinei, na fakaii le fa o manu, ti na fakalialia, ti na makeke lasi a ia ; na maua e ia ni nifo lalasi ukamea, na kai e ia ti na gugu e ia ana nea kai, ti na takatakafi e ia ki ona vae le nea leia na toe. Na kese a ia mo la ake a manu i mua, ti na maua e ia ni tala e kau agafulu.

Taniela 7:7 Iomraidhean Croise

Lua tosi a Samuele 22:43

E kau gugu latou ofaipe le efu o le kele, E kau takatakafi latou ofaipe le pela o ala.

Sopo 41:14

E tuu fakatasi ona koga kanofi, Ti e gaegae lolatou lolomi e leaise se mafai se nea.

Esekiele 40:2

Na ave loa e ia au ki ai i ni tio fakaatua, ti na tuku loa e ia au i le tumutumu o se mauga taualuga lasi ai, leia na tuu ai, i le potu saute, se nea leia na faipe se kolo leia e laga.

Taniela 2:19

Ti na fakasa loa le nea fakafufu kia Taniela, i se tio i le pouli. Ti na fakafetai loa Taniela ki le Atua o le atu lagi.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Taniela 7:2

Na kamata loa e Taniela lana fakamatala, o pati : Na kau tio i laku moe miti i le pouli : ti ko leinei, na agi makeke loa a matagi e fa o le lagi ki le tai lasi.

Taniela 8:10

Na malaga loa a ia o kaku ki le kau tau o le lagi, ti na fakavilo loa e ia ki le kele se potu o le kau tau lena mo fetuu, ti na takatakafi loa e ia latou.

Taniela 8:22

Ko tala e fa ala na malaga ake o fetogi le tala lasi lena kua fati, ko puleaga ana e fa ala e sosomo ake loa o fetogi le puleaga lena, kae e leaise lotou maua loa le makeke o le uluaki puleaga.

Sakalia 2:1

Na tagaki loa oku mata, o tio, ti ko leinei, na i ai se tagata leia na too ia i lona lima se va fua.

Apokalipisi 12:3

Ti na toe sa loa se tasi ake fakamailoga i le lagi ; ti ko leinei, ko se gata lasi leia na kula ofaipe le afi, mo ulu e fitu, mo tala e kau agafulu, ti na teki i ona ulu ni pala e fitu.

Apokalipisi 13:1

Ti na kau tio loa e pale mei le tai se manu leia na maua ia ni tala e kau agafulu ti mo ni ulu e fitu, ti na teki i ona tala ni pala e kau agafulu, ti na tosi i ona ulu ni igoa lauveli ki le Atua.

Apokalipisi 17:12

Ti ko tala e kau agafulu ala na ke tio ki ai ko ni sau latou e kau agafulu, ala e leikiaise maua ia se puleaga, kae e maua ia le pule fakasau i se ola e tasi mo le manu fekai.

Apokalipisi 17:7

Ti na pati mai loa le aselo kiate au : Kolea e ke punamauli ai ? E kau fakasa atu loa kiate koe le misitelio o le fafine ti mo le manu leia e amo ia a ia, leia e maua ia ni ulu e fitu ti mo ni tala e kau agafulu.

Apokalipisi 17:8

Ko le manu leia na ke tio ki ai na mauli ti kua puli. E tonu ke pale a ia mei le vanu, o ano ki le pulinoa. Ti ko kakai o le kele, latou ala na leaise tosi olatou igoa i le tosi o le mauli talu mei le kamataaga o le malama nei, e punamauli loa i le toe tio ki le manu fekai, talie na mauli a ia, ti e leaise koi mauli nei, ti e toe sa loa a ia.