Taniela 7:20 - Tosi Tapu

²⁰ ti mo le maoki o uiga mo tala e kau agafulu ala na tuu i lona fa ulu, ti mo le ga tala ikiiki leia na somo ake ti maluluku ai a tala e tolu i ona mua, le tala leia na maua ia ni mata mo se gutu leia na masau matasoka ti na mata mauiga ake i la.

Taniela 7:20 Iomraidhean Croise

Taniela 7:11

Ti na kau toe tio loa, o tupu ko masau matasoka ala na fai e le tala ; i le lolotoga o laku tio, na tamate loa le manu, ti na maumaui loa lona tino, o ti ki le afi ke tutu i ai.

Taniela 7:19

Ti na kau loto loa ke kau iloa le maoki o le uiga o le fa o manu, leia na kese i la ake a manu, ti na fakaii veli, ti na maua ia ni nifo ukamea mo ni matininia sila, le manu leia na kai, ti na gugu ia lana nea kai, ti na takatakafi ia ki ona vae le nea leia na toe ;

Taniela 7:21

Na kau tio loa ki le tala lena na tau ki le kau sagato, ti na malo loa a ia ia latou,

Taniela 7:23

Na masau mai loa a ia kiate au, o pati : Ko le fa o manu, ko le fa a ia o puleaga ala e tuu loa i le malama nei, e kese loa a ia mo puleaga fuli, ti e kai loa e ia le malama nei katoa, ti e takatakafi loa e ia, ti e gugu e ia le malama nei katoa.

Taniela 7:7

I le oki o le nea lena na kau tio loa i le lolotoga o aku moe miti i le pouli, ti ko leinei, na fakaii le fa o manu, ti na fakalialia, ti na makeke lasi a ia ; na maua e ia ni nifo lalasi ukamea, na kai e ia ti na gugu e ia ana nea kai, ti na takatakafi e ia ki ona vae le nea leia na toe. Na kese a ia mo la ake a manu i mua, ti na maua e ia ni tala e kau agafulu.

Taniela 7:8

Na kau tokaga loa ki tala, ti ko leinei na somo ake loa se ga tala ikiiki i loto malie o tala, ti na mataaki loa a tala e tolu o uluaki tala i mua o le ga tala lena. Ti ko leinei, na maua loa e le tala foou lena ni ona mata ofaipe se tagata, ti mo se gutu leia na masau matasoka.

Apokalipisi 12:3

Ti na toe sa loa se tasi ake fakamailoga i le lagi ; ti ko leinei, ko se gata lasi leia na kula ofaipe le afi, mo ulu e fitu, mo tala e kau agafulu, ti na teki i ona ulu ni pala e fitu.