Taniela 6:4 - Tosi Tapu

⁴ Ti na afa loa e le kau pule mo le kau aliki se faigamalie ke fakalakasala ai Taniela o uiga mo nea o le puleaga. Kae na leaise lotou maua se faigamalie, pe ko se nea ke fakalakasala ai, talie na agatonu a ia ti na leaise maua iate ia se sala pe ko se nea veli fua e tasi.

Taniela 6:4 Iomraidhean Croise

Senesi 41:38

Ti na pati loa Falaone kia ana minisi : E nofo le tagata leinei mo le Laumalie o le Atua. Pe tou toe maua loa se tasi ake tagata ofaipe ia leinei ?

Senesi 43:18

I le temi leia na fakaulu ai latou ki le fale o Sosefo, na lotou i lasi ai, ti na lotou pati loa : E ave nei tatou o tupu ko le paaga leia na velo ki atatou taga i le faiaga talu ai. Ko le nea leinei ke tapo ai mo osoi ai tatou, ti ke fakapopulai ai tatou kae too atatou asino.

Taagapati 29:27

E fakalialia le kau agatonu ki le tagata agaveli, Ti e fakalialia le kau agaveli ki leia e sako lona ala.

Ekelesiasi 4:4

Na kau tio foki e gaoi pakia mo fakamalotoloto le tagata i ana gaoi o tupu ata ko lona finenonofo ki lona oloi. Ko se tasi foki a ia vaiga mo tuli o le matagi.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 18:23

Kae ko koe, Eteleno, e ke iloa alatou fonofono veveli fuli ke tamate au. Aua na ke fakamolemole lalatou agaveli, Aua na ke soloi lalatou agasala i ou mua ! Tautea latou i le aso o lou sausau !

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 29:7

Kotou afa le malie o le kolo leia kua kau ave popula koutou ki ai, ti kotou kole ki le Eteleno le malie o le kolo, talie e fakalogo lokoutou manuia ki lona manuia.

Taniela 3:8

Kae i le temi totonu lena, na fakafeofi ake loa ni tagata Kaletea, o fakalakasala le kau Sutea.

Taniela 5:12

Talie na maua iate ia, ia Taniela, leia na fakaigoa e le sau ko Pelesatesale, se laumalie taualuga, mo se atamai, mo se poto, mo se malama ki le kikite o moe miti, mo le fakamatala o misitelio ti mo le fakatonutonu o nea faigataa. Koia, kalagai nei Taniela, ti e soli mai loa e ia lona uiga.

Taniela 6:22

Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

Mateo 26:4

ti na lotou fono loa ke too fakapikoi Sesu o tamate.

Mateo 27:18

Talie na iloa e ia, na lotou fakatau Sesu i lolatou finenonofo.

Luka 20:20

Na lotou kamata lamalama loa Sesu ; ti na lotou kakau loa ni tagata poto i le faifaitaki o le agatonu, o tupu ke lotou fai kiate ia ni masele ke maua ai ni masau meiate ia, o tupu ke lotou ave a ia ki le tui fakamaau mo le kovana.

Luka 20:26

Ti na leaise mafai loa ke lotou maua se sala i ana masau i mua o le kakai ; kae i lalatou punamauli i lana tali, na lotou fakalologo loa.

Luka 22:2

Na afa e le kau faisakilifisio pule mo le kau sekelipa ni puleaki ke tamate Sesu ; kae na lotou i ki le kakai.

Soane 19:4

Na toe ulu ake loa Pilato ki fafo, o pati ki le kau Sutea : Ko leinei, e kau aumai a ia kia koutou i fafo, o tupu ke kotou iloa e leaise kau maua fua se sala iate ia.

Lua tosi ki le kau Kolinto 11:12

Kae e kau fai, ti e kau fai loa fenaaki ke tuuti ai a faigamalie fuli kia latou ala e fia afa ia se nea ke lotou fakavikiviki ai, ti mo se fakamaoki e lotou gaoi o tatau mo maua.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Uluaki tosi kia Timoteo 5:14

Koia e kau loto ai ke avaga a fafine lokonui tupulaga, ke lotou maua ni alatou fanau, ke lotou takitaki olatou fale, o tupu ke aua na lotou tuku ki le fili se faigamalie ke lauveli ;

Tito 2:8

ti mo se folafola maoki, mo lee sala, o tupu ke luma ai leia e fakafesagai, talie e leaise maua e ia se nea leia ke lauveli ai kia tatou.

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 3:16

ti ke kotou maua se loto lauatea, o tupu, i le nea leia e lotou lau veli ai kia koutou ofaipe ni tagata agaveli koutou, ke lotou luma, latou ala e fai loi ki lokoutou mauli malie ia Kilisito.

Tuifakamaau 14:4

Na leaise iloa loa e lona tamana mo lona tinana na au le nea lena mei le Eteleno : talie na afa loa e Samisoni se nea ke fefele ai mo le kau Filisitini. I le temi lena, na pule loa le kau Filisitini ki Iselaele.

Uluaki tosi a Samuele 12:4

Na lotou tali loa : Na leaise ke kakaai matou, na leaise ke fai fakaveliveli matou, ti na leaise ke tali se nea mei le lima o se tasi.

Uluaki tosi a Samuele 18:14

Na manuia a ia i ana nea fuli na fai, ti na nofo le Eteleno mo ia.

Uluaki tosi a Samuele 22:14

Na tali loa Asimeleke ki le sau : Ko ai i au tagata fakasausau fuli e feala ke fakatatau kia Tavite, tagata fakasausau agatonu, fugao o le sau, leia e alofa ki ana fakatotonu, ti e alofa ki ai lou fale ?