Taniela 5:7 - Tosi Tapu

⁷ Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Taniela 5:7 Iomraidhean Croise

Senesi 41:8

I le usu, na mamae loa le laumalie o Falaone, ti na kalagai loa e ia a tagata fainea fakatalatupua fuli mo le kau poto fuli o Esipito. Ti na fakamatala loa e ia kia latou ana moe miti. Kae na leaise mafai ke fakamatala e se tasi a moe miti kia Falaone.

Esitele 3:1

I le sili o nea ana, na fakatotonu loa e le sau ko Asuelusi ke siki ki aluga a Amane, vosa o Ametata, le tagata Akake ; na siki loa e ia lona igoa ti mo lona tuulaga i aluga o le kau aliki katoa leia na nofo i ona tafa.

Ekesote 7:11

Kae na kalagai loa e Falaone ni tagata poto mo ni tagata faikikite, ala ko tagata fai nea fakatalatupua o Esipito, ti na lotou toe fai loa le nea lena ki alatou nea fakatemonio.

Taagapati 1:9

Talie ko se pala a ia o le kalasia ki lou fa ulu, Ti ko se kasoa fakateuteu a ia ki lou ua.

Katiko o Katiko 1:10

E fulumalie ou kalaafau i loto malie o kasoa, E fulumalie lou ua i loto malie o atu tuikasoa.

Esaia 47:13

Kua ke pakia i le ano kia latou ala e sivi ia le lagi mo temi ! Ke lotou tutuu ake ki aluga ti ke lotou fakamauli a koe, Latou ala e iloa ia le lagi, Latou ala sivisivi ia a fetuu, Latou ala e kikite ia le nea leia ka soko o mulimuli ki masina foou, Le nea leia ka soko kiate koe !

Selemia 50:35

E pati le Eteleno : Ke siki le seleta ki le kau Kaletea, Ki le kakai o Papilone, mo ona pule, mo ona poto !

Esekiele 16:11

Na kau teuteui loa a koe ki ni nea fakateuteu : Na kau tui loa ni matemate ki ou lima, ti na kau fakatau loa se kasoa ki lou ua,

Taniela 1:20

I nea fuli ala na aoga ki ai se poto mo se atamai, ti mo nea fuli ala na fakavesilii latou ki ai e le sau, na maua loa e le sau ia latou e lotou popoto lasi ake o tua kau agafulu i le kau fai nea fakatalatupua mo le kau sivi o le temi, ala na maua i lona puleaga katoa.

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 2:2

Koia na kalagai ai loa e le sau le kau fai nea fakatalatupua, mo latou ala e sivi ia le anoaga o le temi, mo latou ala e fai nea fakatemonio, ti mo le kau Kaletea, ke lotou fakasa ake kiate ia ana moe miti. Na lotou au loa, o tuu i mua o le sau.

Taniela 2:27

Na tali loa Taniela i mua o le sau, o pati : Ko le nea leia e kole e le sau ko se nea fakafufu, ti e leaise mafai e le kau poto, mo le kau sivi fetuu, mo le kau masi, mo le kau kikite, ke fakamatala ia ki le sau.

Taniela 2:48

Ti na siki loa e le sau ki aluga Taniela, ti na soli loa e ia kiate ia ni nea alofa mauiga mo lasi ai ; na soli loa e ia kiate ia le pule o le fenua katoa o Papilone, ti na fakanofo loa e ia a ia ko le pule lasi o le kau poto fuli o Papilone.

Taniela 2:6

Kae kapau e kotou fakasa mai kiate au le moe miti mo lona fakamatala, e kau soli loa kia koutou ni nea alofa, mo ni totogi, ti mo ni tuulaga mauiga. Koia kotou fakamatala mai ai kiate au le moe miti mo lona uiga.

Taniela 4:14

Na kalaga leo lasi loa a ia ti na masau mai loa a ia kiate au, o pati : Kotou sele ki lalo le laakau, ti kotou tutuuti ona laa ; kotou lu ona lau, ti kotou veteki ona fua ; ke sosola a manu mei ona lalo, ti mo manu lele mei ona laa !

Taniela 5:11

E maua se tagata i lou puleaga leia e nofo ai le laumalie o atua maokioki ; i le temi o lou tamana, na maua i le tagata lena le tio malama, mo se atamai, ti mo se poto, leia e tatau mo le poto o atua. Ti ko le sau ko Nepukatenesale, lou tamana, ei sau, na fakanofo ia a ia ko le pule o le kau fai nea fakatalatupua, mo le kau sivi fetuu, mo le kau Kaletea, ti mo le kau faikikite,

Taniela 5:15

Ko le oki leinei o le aumai ki oku mua o le kau poto ti mo le kau sivi temi, o tupu ke lotou lau ia le faitosi leinei ti ke lotou fakamatala mai kiate au lona uiga ; kae na leaise mafai ke lotou tuku mai le uiga o kupu.

Taniela 5:16

Na kau logo e mafai ke ke fakamatala le uiga o masau fakapulipuli ti mo le vevete o nea faigataa. I le lakaga nei, kapau e ke mafai ke ke lau le faitosi leinei ti mo ke fakamatala mai kiate au lona uiga, e fakakofu loa a koe ki le kofu kula, ti e fakatau loa se kasoa aulo ki lou ua, ti e ke maua loa le tuulaga tolu o le puleaga.

Taniela 5:29

I le nea fai lena na fakatotonu loa e Pelesatesale ke fakatui kia Taniela le kofu kula, ke fakatau ki lona ua le kasoa aulo, ti na fakasa loa i le fenua e maua e Taniela le tuulaga tolu i le puleaga.

Numelo 22:17

Talie e kau soli atu loa kiate koe se fakapale lasi, ti e kau fai loa kiate koe a nea fuli ala e ke pati mai loa kiate au ; e kau kole atu kiate koe, ke ke au, o fakamalaia le kakai leinei.

Numelo 22:7

Na ano loa le kau matua o Moape, mo le kau matua o Matiane ki le fale o Palaame, mo ni nea alofa ke totogi ai le tagata fai tutuku. Na lotou kaku loa ki lona fale, ti na lotou fakasa loa kiate ia a masau fuli a Palake.

Numelo 24:11

Sola nei, ano ki lou kaiga ! Na kau pati ke kau tuku loa kiate koe ni fakapale, kae kua taofi a koe e le Eteleno ke aua na ke tali latou !

Uluaki tosi a Samuele 17:25

Na lotou pati : Pe kua kotou tio ki le au a le tagata lena ? Kua au a ia o fai se vesili ki Iselaele ! Kapau e tamate loa a ia e se tasi, e fakaapele loa a ia e le sau ki ni koloa, ti e soli loa e ia ki le tagata lena lona taine, ti e fakamauiga loa e ia le fale o lona tamana i Iselaele.