Taniela 5:5 - Tosi Tapu

⁵ I le temi fai lena, na sa loa ni maikao o se limai tagata, ti na tositosi loa e maikao ki le paa lase o le fale sau, i mua o le fa malama. Ti na tio loa le sau ki le potu o le lima lena na tositosi.

Taniela 5:5 Iomraidhean Croise

Sopo 20:5

E toetoe fua le malo a le tagata agasala, Ti e leaise fualoa le fiafia a le tagata agaveli ?

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Selemia 50:43

Kua maua e le sau o Papilone le logo, Ti kua lulu ona lima, Kua kaku le i kiate ia, Ofaipe le mamae o se fafine e fanau…

Taniela 4:31

Kae e leikiaise oki le masau mei le gutu o le sau, kae ko leinei, na au loa se leo mei le lagi : Ke ke iloa, sau ko Nepukatenesale, e too loa lou puleaga meiate koe.

Taniela 4:33

I le temi fai lena na fakasoko loa le folafola kia Nepukatenesale. Na kapu loa a ia mei loto malie o tagata, ti na kai loa e ia le mutie ofaipe pipi, ti na susu loa lona tino i le sasau o le lagi, o kaku ki le loloa o lona lau ulu ofaipe ni fului akuila, ti mo ona matininia ofaipe matininia o manu lele.

Taniela 5:15

Ko le oki leinei o le aumai ki oku mua o le kau poto ti mo le kau sivi temi, o tupu ke lotou lau ia le faitosi leinei ti ke lotou fakamatala mai kiate au lona uiga ; kae na leaise mafai ke lotou tuku mai le uiga o kupu.

Taniela 5:4

Na lotou inu loa se vino, ti na lotou fakavikiviki loa ki atua aulo, mo atua siliva, mo atua sila, mo atua ukamea, mo atua laakau, ti mo atua fatu.

Taniela 5:6

Ti na tea katoa loa le sau i lona i, ti na sevaia loa lona loto i ana fakakaukau, ti na leaise koi maua loa sona makeke ti na fetati loa ona tuli.

Taniela 5:8

Na ulu ake loa ki fale le kau poto fuli a le sau ; kae na leaise mafai ke lotou lau le fai tosi ti mo fakamatala lona uiga ki le sau.

Kolose 2:14

Ti kua soloi e ia le tosi lima leia na tuu ai a nea fuli ala na tuku kia tatou, ti na taofi kia tatou ; ti kua fakapuli e ia a ia, o tutuki a ia ki le koluse ;